चिझी कॉर्न नगेट्स

श्रुती प्रतापवार, पनवेल

साहित्य:
सारण: १ वाटी उकडलेले स्वीट कॉर्न, २ चमचे बटर, ३ चीझ क्युब्स, २ चमचे ओरेगॅनो, १ चमचा चिली फ्लेक्स, मीठ चवीनुसार
पारी: २ मोठे उकडलेले बटाटे, १ वाटी ब्रेडक्र्मब्स, १ मोठा चमचा कॉर्नफ्लोअर, १ चमचा काळीमिरी पूड, मीठ चवीनुसार.

कृती:
१. प्रथम एका भांड्यात सारणाचं सर्व साहित्य व्यवस्थित एकत्र करून सारण तयार करून घ्या.
२. दुसऱ्या भांड्यात पारीचं सर्व साहित्य एकजीव करून छोटी खोलगट पारी तयार करा.
३. सारण स्टफ करून पारी व्यवस्थित बंद करून लांब गोल आकार द्या.
४. कॉर्नफ्लॉमध्ये डीप करून ब्रेडक्र्मब्समध्ये घोळवून नगेट्स तयार करून घ्या.
५. कढईत तेल गरम करून ते सोनेरी होईपर्यंत डीप फ्राय करा.
६. गरम गरम नगेट्स सॉस बरोबर खाण्यास सर्व्ह करा.