चमचमीत डाळवडा

प्राजक्ता म्हात्रे, उरण

साहित्य:
चणा डाळ पाव किलो, २ मध्यम आकाराचे कांदे चिरलेले, २ ते ३ हिरव्या मिरच्या चिरलेल्या, चिरलेली कोथिंबीर, १ चमचा धणेपूड, पाव चमचा हिंग, अर्धा चमचा हळद, चवीनुसार मीठ, तळण्यासाठी तेल.

कृती:
१. चणा डाळ ५ ते ६ तास भिजत ठेवा.
२. ५-६ तासांनंतर ती स्वच्छ धुऊन मिक्सरमधून थोडंसंच पाणी घालून जाडसर वाटून घ्या.
३. वाटलेल्या मिश्रणात चिरलेला कांदा, कोथिंबीर, मिरची, हिंग, हळद, धणेपूड, मीठ घालून एकत्र करा.
४. लिंबाएवढ्या आकाराचा या मिश्रणाचा गोळा घेऊन त्याचे चपटे वडे करा.
५. कढईत तेल गरम करून मध्यम आचेवर तळून घ्या.