ज्वारीच्या कुटाचे टेस्टी वडे

साहित्य : एक वाटी ज्वारीच्या लाह्यांचा कुटा, पाऊण वाटी ताक, दीड चमचा तिखट, एक चमचा धणे-जिरे पूड, चवीनुसार मीठ, दोन चमचे तीळ, एक छोटी वाटी कोथिंबीर आणि तेल

कृती : सर्व प्रथम एका बाऊलमध्ये कुटा घेऊन त्यामधे कोथिंबीर, तिखट, धणे-जिरेपूड, मीठ आणि तीळ घाला. त्यात थोडे थोडे ताक टाकून सैलसर भिजवा. मिश्रण जास्त घट्ट वा जास्त सैल करू नका. तयार मिश्रण पंधरा ते वीस मिनिटं बाजुला ठेवा. नंतर एका नॉनस्टिक तव्यावर दोन ते तीन चमचे तेल टाका. तयार मिश्रणाचे वडे तयार करुन घेऊन तव्यावर दोन्हीही बाजुंनी खरपूस भाजून घ्या. गरमागरम कुट्याचे वडे सॉससोबत किंवा आवडत्या चटणी सोबत सर्व्ह करा.
झटपट होणारे हे उत्तम पौष्टिक कुट्याचे वडे मुलांच्या डब्यातही देता येतात.

टीप :
l ज्वारीच्या लाह्या घोळून घेतल्यानंतर खाली ज्या अर्धवट भाजलेल्या लाह्या राहतात (त्याला गणंगही म्हणतात.) त्याचा मिक्सरवर रवा काढता येतो. त्याला लाहीपीठ किंवा कुटा म्हणतात.
l वड्याच्या मिश्रणामधे तुम्ही भांज्याचा समावेशही करू शकता.

- किरण नांदगावकर, ठाणे