कडाकणे

महाराष्ट्रात देवीच्या घटावर बांधण्यासाठी आणि नैवैद्यासाठी कडाकणे करतात.

साहित्य - एक वाटी गूळ, गव्हाचं पीठ दोन वाट्या, एक वाटी बेसन, एक टी स्पून हळद , अर्धा टी स्पून जायफळ पावडर, सुंठ पावडर एक टी स्पून, खाण्याचा सोडा पाव टी स्पून, तळण्यासाठी तेल.

कृती - गूळ चिरून त्यात अर्धी वाटी पाणी घालून तो विरघळवून घ्या. त्यातच जायफळ, सुंठ पावडर मीठ, सोडा, चार टी स्पून गरम तेल घाला. त्यात, जसं लागेल तसं गव्हाचं पीठ, बेसन घाला. छान एकजीव करून पीठ मळून घ्या. तासभर ठेवा.नंतर त्याचे हव्या त्या आकाराचे कडाकणे करून त्याला भोक पाडा आणि तेलात तळून घ्या.