खजूर केक

पल्लवी पाटील, वसई

साहित्य- एक वाटी खजूर, एक वाटी रवा, अर्धी वाटी तूप, अर्धी वाटी साखर, एक छोटा चमचा खाण्याचा सोडा, अर्धी वाटी दूध.

कृती- प्रथम खजूरच्या बिया काढून ते रात्रभर दुधामध्ये भिजत घाला. दुसऱ्या दिवशी मिक्सरमध्ये खजूर, रवा, तूप, साखर, सोडा खालून एकत्र वाटून घ्या. हे मिश्रण वाटताना खजूर ज्या दुधात भिजत घातला होता ते दूधसुद्धा घाला. आता ओव्हन १८० अंश सेल्सिअसवर प्री हिट करून घ्या. मग मिश्रण ओव्हनमध्ये पंधरा ते वीस मिनिटं बेक करून घ्या. केक थंड झाला की, सर्व्ह करा.