निलीमा खडतकर, मीरा रोड
साहित्य- एक वाटी गव्हाचं पीठ, अर्धी वाटी मैदा, अर्धी वाटी तूप, अर्धी वाटी पीठी साखर, अर्धी वाटी डेसिकेटेड कोकोनट, एक चमचा बारीक रवा, छोटा चमचा वेलची पूड, अर्धी वाटी हापूस आंब्याचा रस, एक टीस्पून बेकिंग पावडर.
कृती- एका भांड्यात तूप आणि पीठी साखर छान फेटून घ्या. त्यात आंब्याचा रस घाला आणि पून्हा थोडं फेटा. नंतर त्यात रवा, मैदा, गव्हाचं पीठ, डेसिकेटेड कोकोनट, वेलची पूड आणि बेकिंग पावडर घालून सैलसर गोळा तयार करून घ्या. नंतर ओव्हन १८० डीग्री अंश सेल्सिअसवर प्रीहीट करून घ्या. तयार पिठाचे छोटे-छोटे चपटे गोळे तयार करा. गोळ्यांना वरून डेसिकेटेड कोकोनट लावून ओव्हन मध्ये २० मिनिटं बेक करायला ठेवा. साधारण २० ते २५ मिनिटात कूकीज तयार होतील.