आंबा मालपुआ

आरती निजापकर, सायन

साहित्य- १ कप गव्हाचं पीठ, १ चमचा मैदा, १/२ चमचा भाजलेले बडीशेप, चिमूटभर मीठ, दीड कप पाणी, ३ चमचा आंबा रस, १/४ कप बारीक आंब्याचे तुकडे (पातळ किंवा किसलेली), तेल तळण्यासाठी (आवश्यकतेनुसार), २ चमचा बदाम व पिस्त्याचे तुकडे (भाजून घेतलेले), मालपुआसाठी लागणारा साखरेचा १ तारी पाक (छासणी), १ कप साखर, २ कप पाणी, एका भांड्यात साखर व पाणी एकत्र करुन साखर विरघळेपर्यंत गरम करुन घ्या. पाक जास्त घट्ट करु नये.
कृती- एका खोलगट भांड्यात गव्हाचं पीठ, मैदा, भाजलेले बडीशेप, चिमूटभर मीठ घालून एकत्र करुन घ्या. मग पाणी घालून व्यवस्थित एकजीव करुन घ्या (गुठळे न ठेवता). हे मिश्रण इडलीच्या पीठासारखं झालं पाहिजे. आता हे मिश्रण १० ते १५ मिनिटं बाजूला ठेवून द्या. नंतर या मिश्रणात आंब्याचे बारीक तुकडे (पातळ किंवा किसलेली) व आंब्याचा रस घालून मिश्रण एकजीव करुन घ्या. खोलगट कढई किंवा खोलगट तवा घ्या. तेल घालून चांगलं तापवून घ्या. मिश्रण लहान खोलगट चमच्याचा सहाय्याने गोल आकाराचे मालपुआ घालावे. मध्यम आचेवर दोन्ही बाजूने व्यवस्थित तळून घ्यावं. मग तळलेले मालपुआ कोमट पाकात घोळवून घ्या. एका ताटात काढून त्यावर बदाम व पिस्त्याचे तुकडे घालून सजवा. असे हे मालपुआ गरम-गरम सर्व्ह करा.
टीप-
lआंब्याचे तुकडे जाड व मोठे ठेवू नये.
lआंबा किसून घेतला तरी चालेल.
lआंबा मालपुआ रबडीसोबत सुद्धा सर्व्ह करु शकतो.