पौष्टिक कॉर्न क्रिस्पी बुलेट्स

सध्या बाजारात मक्याची कणसं भरपूर मिळतात. ती भाजून तर आपण नेहमीच खातो. शिवाय भाजीही करतो. परंतु त्याच्यापासून एक वेगळाच पदार्थ केला तर...

साहित्य : ५ कणसांचे दाणे काढून घ्यावे नि मिक्सरमध्ये सरबरीत वाटावे, ४ मिरच्या बारीक चिरलेल्या, मीठ चवीनुसार, जिरं १ चमचा, कोथिंबीर बारीक चिरलेली १ वाटी, १ चमचा आलं बारीक चिरलेलं, चिमूटभर साखर, १ वाटी तांदळाचं पीठ, १ चमचा तिखट, अर्धा चमचा हळद, अर्धा चमचा लिंबाचा रस, तळण्यासाठी तेल, कढीपत्ता ६-७ हाताने चुरडून.

साहित्य : सर्व साहित्य एकत्र करून एकजीव करावं नि हाताला तेल लावून त्याचे छोटे गोळे करावे. मग या गोळ्याचे रोल करावे नि बाजूला ठेवावे. ओलसर वाटल्यास तांदळाची पिठी अजून मिक्स मारावी नि सर्व करून १० मिनिटं फ्रीझमध्ये ठेवून मग गरम तेलात सोनेरी रंगावर तळून घ्यावेत आणि गरमागरमच सॉसबरोबर खायला द्यावेत. हे कॉर्न क्रिस्पी बुलेट्स अप्रतिम होतात. त्यांची टेस्ट मस्तच, शिवाय खूप खुसखुशीत होतात. मुख्य म्हणजे टेस्टी नि पौष्टिकही!

- चारुशीला प्रभू, ठाणे