पपई पायश

बंगालमध्ये दूर्गा पूजेला खूप महत्त्व आहे. या निमित्तानं वेगवेगळ्या बंगाली मिठाया केल्या जातात,त्याच सोबत हे पपई पायश पण करतात.

साहित्य - कच्च्या पपईचा किस एक वाटी, दूध एक लिटर, साखर एक वाटी, बदाम, पिस्त्याचे काप, काजू, चारोळी, केशराच्या काड्या दहा ते बारा, वेलची पावडर एक टी स्पून, तूप पाव वाटी.

कृती- पपई किसून पाण्यात घालून उकळून घ्या. नंतर गाळण्यात काढून पाणी निथळून, पिळून घ्या. एका बाजूला दूध आटायला ठेवा. कढईत तूप तापवा. त्यात सगळा सुका मेवा तळून बाजूला काढून ठेवा. राहिलेल्या तुपात पपईचा किस परतून घ्या. आटलेल्या दूधात हा किस घाला आणि शिजवा. साखर, केशर, वेलची पावडर, तळलेला सुका मेवा घाला. छान एकजीव करा. आणि पपई पायस् नैवैद्यासाठी घ्या.