रश्मी तावडे, कामोठे
आजकालच्या मुलांना आपल्या घरगुती पदार्थांपेक्षा बाहेर मिळणारे इतर पदार्थ अधिक आवडतात. हेच पदार्थ जर घरी बनवले तर लहान मुलांचं आरोग्य जपलं जातं. म्हणून भाज्यांचा वापर करुन बनवलेल्या चटकदार पास्ताची पाककृती पुढीलप्रमाणे...
साहित्य- पास्ता, पास्ता मसाला, गाजर, कोबी, फरसबी, मटार, सिमला मिरची, कांदा, कोथिंबीर, पास्ता सॉस, तेल आणि चवीपुरतं मीठ.
कृती- प्रथम पातेल्यात पाणी घेऊन ते उकळून घ्या. उकळलेल्या पाण्यात पास्ता घाला. थोडासा पास्ता चमच्यात घेऊन तो शिजला आहे की नाही ते पाहा. पास्ता शिजल्यावर त्यातील गरम पाणी काढण्यासाठी तो चाळणीत ओता. नंतर नळाच्या साध्या पाण्यानं धुऊन थंड करा. त्यानंतर पास्त्याला अर्धा टेबलस्पून तेल लावून तो बाजूला ठेवा. आता सर्व भाज्या चिरुन घ्या. नंतर पॅन गॅसवर ठेवून त्यात तेल घालून, गरम तेलात कांदा घालून तो सोनेरी रंग येईपर्यंत परतवून घ्या. चिरलेल्या सर्व भाज्या टाकून ते मिश्रण परतवून घ्या. त्यात चवीपुरतं मीठ घाला. मात्र भाज्या मऊ होणार नाहीत याची काळजी घ्या. आता या मिश्रणात पास्ता घाला. तसंच त्यात पास्ता मसाला घालून हे मिश्रण पुन्हा परतवून घ्या. त्यात अर्धा कप पाणी घालून साधारण दोन ते तीन मिनिटं हे मिश्रण शिजू द्या. हे मिश्रण शिजल्यावर त्यात पास्ता सॉस घाला आणि गॅस बंद करा. हा तयार चटकदार पास्ता प्लेटमध्ये काढून त्यावर कोथिंबीर भुरभुरुन सर्व्ह करा. हा चटकदार पास्ता मुलांना नक्कीच आवडेल.
आजकालच्या मुलांना आपल्या घरगुती पदार्थांपेक्षा बाहेर मिळणारे इतर पदार्थ अधिक आवडतात. हेच पदार्थ जर घरी बनवले तर लहान मुलांचं आरोग्य जपलं जातं. म्हणून भाज्यांचा वापर करुन बनवलेल्या चटकदार पास्ताची पाककृती पुढीलप्रमाणे...
साहित्य- पास्ता, पास्ता मसाला, गाजर, कोबी, फरसबी, मटार, सिमला मिरची, कांदा, कोथिंबीर, पास्ता सॉस, तेल आणि चवीपुरतं मीठ.
कृती- प्रथम पातेल्यात पाणी घेऊन ते उकळून घ्या. उकळलेल्या पाण्यात पास्ता घाला. थोडासा पास्ता चमच्यात घेऊन तो शिजला आहे की नाही ते पाहा. पास्ता शिजल्यावर त्यातील गरम पाणी काढण्यासाठी तो चाळणीत ओता. नंतर नळाच्या साध्या पाण्यानं धुऊन थंड करा. त्यानंतर पास्त्याला अर्धा टेबलस्पून तेल लावून तो बाजूला ठेवा. आता सर्व भाज्या चिरुन घ्या. नंतर पॅन गॅसवर ठेवून त्यात तेल घालून, गरम तेलात कांदा घालून तो सोनेरी रंग येईपर्यंत परतवून घ्या. चिरलेल्या सर्व भाज्या टाकून ते मिश्रण परतवून घ्या. त्यात चवीपुरतं मीठ घाला. मात्र भाज्या मऊ होणार नाहीत याची काळजी घ्या. आता या मिश्रणात पास्ता घाला. तसंच त्यात पास्ता मसाला घालून हे मिश्रण पुन्हा परतवून घ्या. त्यात अर्धा कप पाणी घालून साधारण दोन ते तीन मिनिटं हे मिश्रण शिजू द्या. हे मिश्रण शिजल्यावर त्यात पास्ता सॉस घाला आणि गॅस बंद करा. हा तयार चटकदार पास्ता प्लेटमध्ये काढून त्यावर कोथिंबीर भुरभुरुन सर्व्ह करा. हा चटकदार पास्ता मुलांना नक्कीच आवडेल.