ब्रेड चीज पॅटीस

आरती निजापकर, सायन

साहित्य- पाच ते सहा ब्रेडचे स्लाइस, पाव कप चीज, पाव वाटी लोणी, अर्धा कप बेसन, एक मोठा चमचा तांदळाचं पीठ, अर्धा लहान चमचा आलं- लसूण पेस्ट, एक मोठा चमचा बारीक चिरलेली कोथिंबीर, एक बारीक चिरलेली हिरवी मिरची, पाव लहान चमचा हळद, एक लहान चमचा लाल तिखट, अर्धा लहान चमचा गरम मसाला, तेल, पाणी गरजेनुसार.

कृती- प्रथम ब्रेडचे त्रिकोणी आकाराचे तुकडे करून घ्या. नंतर एका भांड्यात तांदळाचं पीठ, बेसन, आलं-लसूण पेस्ट, हिरवी मिरची, कोथिंबीर, लाल तिखट, गरम मसाला, हळद, किसलेलं चीज, चवीनुसार मीठ आणि गरजेनुसार पाणी घालून मिश्रण तयार करा. मिश्रण फार घट्ट किंवा पातळ नसावं. आता ब्रेडला लोणी लावून ते मिश्रणात घोळवून घ्या. तवा तापवून त्यावर थोडं तेल घालून घोळवलेले ब्रेडचे तुकडे मध्यम आचेवर सोनेरी रंगाचे होईपर्यंत भाजून घ्या. तयार झालेल्या ब्रेड पॅटीसवर चीज किसून घाला. अशा प्रकारे पॅटीस तयार असून चटणी किंवा सॉससोबत सर्व्ह करा.

टीप
- तेलात तळून घेतलं तरी चालतं.
- चीज असल्यामुळे मीठ थोडं कमीच घाला.