थंडगार काकडी कूलर

आरती निजापकर, सायन

महाराष्ट्र टाइम्स.कॉम

साहित्य- दोन मध्यम आकाराच्या काकड्या, दोन मोठे चमचे लिंबाचा रस, पाच ते सहा पुदिन्याची पानं, एक मोठा चमचा मध, पाव चमचा सेंध मीठ, पिण्याचा सोडा, पाव कप क्रश केलेला बर्फ.

कृती- प्रथम काकडीची सालं काढून त्याचे तुकडे केल्यानंतर त्यातील बिया काढून टाका. आता मिक्सरच्या भांड्यात बिया काढलेले काकडीचे तुकडे, पुदिन्याची पानं आणि लिंबाचा रस घेऊन त्याची पातळ प्युरी करा. ही प्युरी काचेच्या ग्लासमध्ये घेऊन त्यात क्रश केलेला बर्फ, सेंध मीठ आणि मध घालून त्यावर सोडा घाला. हे मिश्रण व्यवस्थित मिसळून घ्या. नंतर काकडीचा लांब तुकडा कापून तळाला ग्लासमध्ये गोलाकार घाला आणि थंडगार काकडी कूलर सर्व्ह करा.

टीप
- सोडा ऐवजी पाणी वापरू शकता.
- काकडीची पेस्ट तुम्ही गाळूनही घेऊ शकता.