कढीपत्त्याची खुसखुशीत सांजोरी

वर्षा कसरेकर-शेकदार, ठाणे

साहित्य- एक वाटीभर कढीपत्त्याची पाने, भाजलेली डाळ (फुटाणे डाळ), एक चमचा पांढरे तीळ, २-३ चमचे तेल, २-३ हिरव्या मिरच्या, एक चमचा धणे पावडर, हिंग, जिरे, मीठ, साखर आणि कणिक.
कृती- प्रथम कढईत तेलामध्ये वाटीभर (धुवून-पुसून, त्यात पाण्याचा अंश नसलेली) कढीपत्त्याची पाने परतून-भाजून घ्या व एका वाटीत काढून ठेवा. नंतर कढईत तेल टाकून त्यात चिरलेली मिरची, धणे पावडर, हिंग, जिरे टाकून भाजून घ्या. त्यात साखर व मीठ चवीनुसार टाकून ते कढीपत्त्यासह मिक्सरमध्ये बारीक वाटून घ्या. अशाप्रकारे सांजोरीचं सारण तयार झालं. आता लहान पोळी लाटा आणि त्यात सारण भरून ती पुन्हा लाटा. ही पोळी तव्यावर तेलात भाजून घ्या. अशाप्रकारे तयार झाली कढीपत्त्याची खुसखुशीत सांजोरी. हेच सारण चटणी म्हणून भाकरीबरोबर मस्त लागतं.