संजीव फडके, ठाणे
पावसाळा आणि भजीचं नातं अतूट आहे. श्रावण महिन्यात उपास सोडताना भजी ही हवीच! या श्रावण महिन्यात आपल्या अवतीभोवती अनेक ठिकाणी केनीची रोपं उगवलेली दिसतात. या केनीच्या पानांची भजी अतिशय कुरकुरीत होतात. म्हणूनच या केनीच्या पानांची भजी कशी करायची ते पाहू.
साहित्य- केनीची ताजी पाने, दोन वाट्या बेसन, दोन मोठे चमचे तांदळाचं पीठ, दोन मोठे चमचे मका पीठ, एक चमचा साखर, एक चमचा ओवा, तिखट, मीठ, हळद व हिंग प्रत्येकी एक चमचा व तळणीसाठी तेल.
कृती- केनीची पानं धुवून पुसून ठेवावीत. एका मोठ्या भांड्यात वरील सर्व पीठं एकत्र करून त्यात ओवा, साखर, तिखट, मीठ, हळद, हिंग घालावं. त्यात थोडं-थोडं पाणी घालत पीठ सरसरीत कालवून घ्यावं. पिठात थोडी साखर घातल्यामुळे भजी तेलकट होत नाहीत व पिठात मोहन घालावं लागत नाही. मक्याच्या पिठामुळे भजी खुसखुशीत होतात. आता कढईत तेल घालून तापत ठेवा. वरील कालवलेल्या पिठात पाच-सहा पाने बुडवून ठेवावीत. सर्व बाजूने पीठ लागल्यावर एक-एक पान गरम तेलात सोडावीत. भजी लालसर तळून घ्यावीत. तयार झाल्यावर पुदिना वा चिंच चटणीसोबत गरम-गरम सर्व्ह करावीत.
पावसाळा आणि भजीचं नातं अतूट आहे. श्रावण महिन्यात उपास सोडताना भजी ही हवीच! या श्रावण महिन्यात आपल्या अवतीभोवती अनेक ठिकाणी केनीची रोपं उगवलेली दिसतात. या केनीच्या पानांची भजी अतिशय कुरकुरीत होतात. म्हणूनच या केनीच्या पानांची भजी कशी करायची ते पाहू.
साहित्य- केनीची ताजी पाने, दोन वाट्या बेसन, दोन मोठे चमचे तांदळाचं पीठ, दोन मोठे चमचे मका पीठ, एक चमचा साखर, एक चमचा ओवा, तिखट, मीठ, हळद व हिंग प्रत्येकी एक चमचा व तळणीसाठी तेल.
कृती- केनीची पानं धुवून पुसून ठेवावीत. एका मोठ्या भांड्यात वरील सर्व पीठं एकत्र करून त्यात ओवा, साखर, तिखट, मीठ, हळद, हिंग घालावं. त्यात थोडं-थोडं पाणी घालत पीठ सरसरीत कालवून घ्यावं. पिठात थोडी साखर घातल्यामुळे भजी तेलकट होत नाहीत व पिठात मोहन घालावं लागत नाही. मक्याच्या पिठामुळे भजी खुसखुशीत होतात. आता कढईत तेल घालून तापत ठेवा. वरील कालवलेल्या पिठात पाच-सहा पाने बुडवून ठेवावीत. सर्व बाजूने पीठ लागल्यावर एक-एक पान गरम तेलात सोडावीत. भजी लालसर तळून घ्यावीत. तयार झाल्यावर पुदिना वा चिंच चटणीसोबत गरम-गरम सर्व्ह करावीत.