सुरणाचे चटपटीत काप

नेहा घैसास-कुंटे, बोरिवली

साहित्य- ४०० ग्रॅम सुरण, १ चमचा लाल तिखट, १/२ चमचा हिंग, १ चमचा हळद, चवीपुरतं मीठ, पाव कप बारीक रवा, १/२ कप तांदळाचे पीठ, पाव कप चण्याच्या डाळीचे पीठ, चवीपुरते मीठ
कृती- सुरण हाताळण्यापूर्वी हाताला आमसुल (कोकम) लावून घ्यावे किंवा प्लास्टीकचे/ रबरी हातमोजे वापरावेत. सुरण सोलून घ्यावं आणि चौकोनी तुकडे करून ठेवावं. एका पातेल्यात पाणी उकळत ठेवावं. पाणी उकळल्यावर त्यात २-३ आमसुल/कोकम आणि सुरणाचे चौकोनी तुकडे घालून सुरण ८० ते ९० टक्के शिजवून घ्या. नंतर पाणी आणि आमसुलं काढून टाकावं आणि सुरणाचे काप थंड करुन घ्यावेत. काप थंड झाल्यावर त्यात लाल तिखट, हिंग, हळद आणि चवीपुरत मीठ घालून एकत्र करुन प्रत्येक कापावर चोळावं. रवा, तांदळाचे पीठ, चण्याच्या डाळीचं पीठ, चवीपुरतं मीठ हे मिश्रण एकत्र करुन घ्यावं. काप रव्याच्या मिश्रणात घोळवून घ्यावेत. असे हे सुरणाचे काप तव्यावर दोन्ही बाजूने शॅलो फ्राय करुन गरम गरम सर्व्ह करावेत.