खमंग ऐरोळ्या

माधुरी साठे, डोंबिवली

ऐरोळ्या या पारंपरिक, गोड आणि खमंग पदार्थ आहे. हा पदार्थ करायला साहित्यही थोडेच लागते.

साहित्य- एक वाटी गव्हाचं पीठ, अर्धी वाटी चण्याचं पीठ (बेसन), अर्ध्या कवडीचं नारळाचं दूध, पाऊण वाटी किसलेला गूळ किंवा चवीनुसार, तूप, थोड्याशा चारोळ्या.

कृती- प्रथम गव्हाच्या पिठात चण्याचं पीठ मिक्स करुन घ्या. त्यात गूळ घालून, नारळाच्या दूधात ते भिजवा. हे मिश्रण चमच्यानं पडेल इतकं सैलसर ठेवा. मिश्रण अर्धा तास भिजवून ठेवा. नंतर त्यात चारोळ्या घाला. मग एका कढईत तूप गरम करून त्यात मिश्रण चमच्यानं गोलसर आकारत टाकून तळून घ्या. अशा प्रकारे खमंग ऐरोळ्या तयार आहेत.