माझी आई सुलोचना दिंगबर पोटदुखे हिला वेग-वेगळे पदार्थ बनवायची खूप आवड आणि प्रत्येक पदार्थ हा चवीलाच नव्हे, तर दिसायला सुद्धा छान असावा, असा तिचा आग्रह. सगळ्या प्रकारची लोणची (कैरी, लिंबू, मिरची, आवळा), तसेच चटण्या (तीळ, शेंगदाणे, अळशी) ती अतिशय चविष्ट बनवत असे. पांढरे शुभ्र, जाळीदार खुशखुशीत अनारसे बनविण्यात तर ती माहीर. त्यामुळे नातेवाईकांकडे लग्नात रुखवतासाठी खास अनारसे बनवून देत असे. आल्यागेल्या पाहुण्यांनाही तिने कायम प्रेमाने खाऊ घातले. मात्र गेली दोन वर्षं ती अर्धांग वाताने आजारी आहे, त्यामुळे ती स्वत: काहीही करु शकत नाही, मात्र तिच्या आजवरच्या प्रत्येक पदार्थाची चव माझ्या जिभेवर कायम आहे. विशेषत: तिने बनविलेला टोमॅटो-पालक झुणका म्हणजे चटपटीत, खमंग व पौष्टिक आणि आम्हा भावंडाच्या खास आवडीचा. म्हणूनच तिची रेसिपी इथे देत आहे-
साहित्य : एक छोटी जुडी पालक, दोन टोमॅटो, एक मोठा कांदा, एक वाटी बेसन, दोन हिरव्या मिरच्या, लाल तिखट आणि हळद (प्रत्येकी एक चमचा), चवीपुरतं मीठ, जिरं-मोहरी, हिंग, तेल, कोथिंबीर.
कृती : पालक व टोमॅटो बारीक चिरुन घ्यावेत. कढईत एक मोठा चमचा तेल घालावं. तेल गरम झाल्यावर जिरं-मोहरी घालावी. मोहरी तडतडल्यावर कांदा घालावा. कांदा गुलाबीसर झाल्यावर हिरवी मिरची घालावी. नंतर लाल तिखट, हळद, हिंग, मीठ, चिरलेला पालक व टोमॅटो घालावा. थोडं पाणी घालावं. छान परतून २-३ मिनिटं झाकण ठेवावं, म्हणजे पालक व टोमॅटो छान शिजतील. नंतर बेसन घालून परतून पुन्हा झाकण ठेवावं. ३-४ मिनिटांत खमंग झुणका तयार. वरुन कोथिंबीर घालून भाकरी किंवा पोळी सोबत गरम गरम सर्व्ह करा.
टीप: बेसनाऐवजी भिजवलेल्या चण्याची वाटली डाळही घेऊ शकता. त्याचा झुणकासुद्धा चविष्ट होतोय
- निलीमा खडतकर, मीरा रोड
साहित्य : एक छोटी जुडी पालक, दोन टोमॅटो, एक मोठा कांदा, एक वाटी बेसन, दोन हिरव्या मिरच्या, लाल तिखट आणि हळद (प्रत्येकी एक चमचा), चवीपुरतं मीठ, जिरं-मोहरी, हिंग, तेल, कोथिंबीर.
कृती : पालक व टोमॅटो बारीक चिरुन घ्यावेत. कढईत एक मोठा चमचा तेल घालावं. तेल गरम झाल्यावर जिरं-मोहरी घालावी. मोहरी तडतडल्यावर कांदा घालावा. कांदा गुलाबीसर झाल्यावर हिरवी मिरची घालावी. नंतर लाल तिखट, हळद, हिंग, मीठ, चिरलेला पालक व टोमॅटो घालावा. थोडं पाणी घालावं. छान परतून २-३ मिनिटं झाकण ठेवावं, म्हणजे पालक व टोमॅटो छान शिजतील. नंतर बेसन घालून परतून पुन्हा झाकण ठेवावं. ३-४ मिनिटांत खमंग झुणका तयार. वरुन कोथिंबीर घालून भाकरी किंवा पोळी सोबत गरम गरम सर्व्ह करा.
टीप: बेसनाऐवजी भिजवलेल्या चण्याची वाटली डाळही घेऊ शकता. त्याचा झुणकासुद्धा चविष्ट होतोय
- निलीमा खडतकर, मीरा रोड