अ‍ॅपशहर

चविष्ट टोमॅटो भात

टोमॅटो भात हा मराठवाड्यातील प्रसिद्ध खाद्यपदार्थ आहे. अशा या चविष्ट पदार्थाची पाककृती पुढीलप्रमाणे... कोरड्या मसाल्यासाठी साहित्य- एक चमचा जिरे, दोन चमचे धणे, सात-आठ काळे मिरी, दालचिनीचा लहान तुकडा, दोन चमचे खसखस.

महाराष्ट्र टाइम्स.कॉम 10 Jun 2019, 8:28 am
स्वाती कानिटकर, ठाणे
महाराष्ट्र टाइम्स.कॉम tomato rice recipe
चविष्ट टोमॅटो भात


टोमॅटो भात हा मराठवाड्यातील प्रसिद्ध खाद्यपदार्थ आहे. अशा या चविष्ट पदार्थाची पाककृती पुढीलप्रमाणे...

कोरड्या मसाल्यासाठी साहित्य- एक चमचा जिरे, दोन चमचे धणे, सात-आठ काळे मिरी, दालचिनीचा लहान तुकडा, दोन चमचे खसखस.
ओल्या मसाल्यासाठी साहित्य- एक मोठा कांदा, एक इंच आल्याचा तुकडा, आठ ते दहा सुक्या लाल मिरच्या.
इतर साहित्य- तीन वाट्या तांदूळ, एक वाटी खवलेला ओला नारळ, चार-पाच मध्यम आकाराचे टोमॅटो, गोडं तेल आणि मीठ.

कृती- प्रथम तांदूळ भिजवून निथळत ठेवा. आता टोमॅटो उकडवून त्याची सालं काढून ते मिक्सरमध्ये वाटून त्याची प्युरी तयार करून घ्या. नंतर कोरडा मसाला मिक्सरमध्ये बारीक करून त्याची पावडर करून घ्या. पुढे ओला मसालाही मिक्सरमध्ये वाटून घ्या. आता एका पातेल्यात तेल गरम करत ठेवा (रोजच्या भाजीला वापरतो त्यापेक्षा याला तेल जास्त लागतं). तेल तापलं की, त्यात ओल्या मसाल्याचं वाटण दोन ते तीन मिनिटं परतवून घ्या. त्यात निथळत ठेवलेले तांदूळ घालून ते व्यवस्थित परतवा. त्यात तांदळाच्या दुप्पट प्रमाणात पाणी वापरावं (यासाठी उकळलेलं पाणी वापरावं). भात अर्धा शिजला की, त्यात कोरडा मसाला आणि खोबरं घाला. नंतर चवीपुरतं मीठ घाला. मग त्यावर झाकण ठेवून चांगली वाफ काढा. भात शिजत आला की, टोमॅटो प्युरी घालून परत झाकण ठेवून भात शिजू द्यावा. खदखद आवाज येईल इतका शिजवा. अशा प्रकारे टोमॅटो भात तयार आहे.

महत्वाचे लेख

Marathi News App: तुम्हालाही तुमच्या अवतीभवती होत असलेल्या बदलांमध्ये सहभागी व्हायचं आहे? सिटिझन रिपोर्टर अॅप डाउनलोड करा आणि रिपोर्ट्स पाठवा.
ताज्या बातम्यांसह अपडेट राहण्यासाठी लाइक करा Maharashtra Times फेसबुकपेज