​ वरीची खीर

आरती निजापकर, सायन

साहित्य- अर्धी वाटी वरीचे तांदूळ, १/४ वाटी साखर, दोन वाटी दूध, १ टेबलस्पून तूप, १ टेबलस्पून दूध मसाला, चिमूटभर जायफळ, सजावटीसाठी पिस्ता
कृती- प्रथम वरी धुऊन पाण्यात भिजवून ठेवा. नंतर दूध तापवून कोमट करा. आता खोलगट भांडे किंवा कढईत तूप घाला आणि त्यात भिजवलेले वरीचे तांदूळ घालून चांगलं परतवून घ्या. दूध मसाला व जायफळ किसून घालून एकत्र करुन घ्या. कोमट दूध घालून एक उकळी आली की, त्यात साखर घालून एकजीव करुन घ्या. मंद आचेवर खीर थोडीशी आटवून घ्या.
तयार खीरवर पिस्त्याचे काप घालून सजवा व गरमागरम खा.

टीप-
- वरीचे तांदूळ गरम पाण्यात भिजवावे.
- पिस्ता ५ मिनिटे पाण्यात भिजवून ठेवावे, मग त्याचे काप करुन सजावटीसाठी वापरावे.