रमेश घनवटे, अंधेरी
माझं आणि यशोदाचं लग्न होऊन यंदा ४५ वर्षें झाली. आमच्या घरातील अडचणींमुळे आम्ही दोघंही वयाने खूप लहान असताना आमचं लग्न झालं. त्यानंतर मी शिक्षण पूर्ण केलं आणि माझी महाराष्ट्र पोलिसात अधिकारी पदावर निवड झाली. आम्हाला दोन मुलं आणि एक मुलगी आहे. आता त्यांची लग्नं झालीत. मुलगी आणि जावई पुण्याला राहतात. माझी पत्नी फारशी शिकलेली नाही. फक्त स्वाक्षरीशिवाय तिला काहीच लिहिता, वाचता येत नाही. मुलांचा उत्कृष्ट सांभाळ करून त्यांना कॉन्व्हेंटचं शिक्षण देऊन, लग्नं करून त्यांना मार्गी लावण्यात तिचा सिंहाचा वाटा आहे.
आमच्या आयुष्यातसुद्धा आतापर्यंत अनेक कठीण प्रसंग आले. घरगुती वाद, अनेक आर्थिक समस्या, अपघातातील आजारपण यांसारखी संकटांची एकामागोमाग एक मालिकाच चालू होती. पण अशा कठीण काळात ती मात्र माझ्या पाठीशी खंबीरपणे उभी राहिली आणि मला वेळोवेळी योग्य सल्ला दिला. तिला रक्ताच्या नात्यातील जवळचं असं कोणीही नातेवाईक नाही. त्यामुळे केवळ पती हाच शेवटपर्यंत आपला आधार आहे असा प्रचंड विश्वास तिने माझ्यावर टाकला आणि मीसुद्धा तो पूर्ण करण्याचा प्रयत्न करत आहे. मी तीन वर्षांपूर्वी सहाय्यक पोलिस आयुक्त पदावरून सेवानिवृत्त झालो. आमच्या घरात परिवारामध्ये आता दोन सुना आणि तिघांची मिळून पाच नातवंडं आहेत. परमेश्वर कृपेने माझ्या आयुष्यात सर्व सुखांची पूर्तता झाली आहे. अशा आनंदी आयुष्याला कोणाची दृष्ट लागू नये, हीच ईश्वर चरणी प्रार्थना.
माझं आणि यशोदाचं लग्न होऊन यंदा ४५ वर्षें झाली. आमच्या घरातील अडचणींमुळे आम्ही दोघंही वयाने खूप लहान असताना आमचं लग्न झालं. त्यानंतर मी शिक्षण पूर्ण केलं आणि माझी महाराष्ट्र पोलिसात अधिकारी पदावर निवड झाली. आम्हाला दोन मुलं आणि एक मुलगी आहे. आता त्यांची लग्नं झालीत. मुलगी आणि जावई पुण्याला राहतात. माझी पत्नी फारशी शिकलेली नाही. फक्त स्वाक्षरीशिवाय तिला काहीच लिहिता, वाचता येत नाही. मुलांचा उत्कृष्ट सांभाळ करून त्यांना कॉन्व्हेंटचं शिक्षण देऊन, लग्नं करून त्यांना मार्गी लावण्यात तिचा सिंहाचा वाटा आहे.
आमच्या आयुष्यातसुद्धा आतापर्यंत अनेक कठीण प्रसंग आले. घरगुती वाद, अनेक आर्थिक समस्या, अपघातातील आजारपण यांसारखी संकटांची एकामागोमाग एक मालिकाच चालू होती. पण अशा कठीण काळात ती मात्र माझ्या पाठीशी खंबीरपणे उभी राहिली आणि मला वेळोवेळी योग्य सल्ला दिला. तिला रक्ताच्या नात्यातील जवळचं असं कोणीही नातेवाईक नाही. त्यामुळे केवळ पती हाच शेवटपर्यंत आपला आधार आहे असा प्रचंड विश्वास तिने माझ्यावर टाकला आणि मीसुद्धा तो पूर्ण करण्याचा प्रयत्न करत आहे. मी तीन वर्षांपूर्वी सहाय्यक पोलिस आयुक्त पदावरून सेवानिवृत्त झालो. आमच्या घरात परिवारामध्ये आता दोन सुना आणि तिघांची मिळून पाच नातवंडं आहेत. परमेश्वर कृपेने माझ्या आयुष्यात सर्व सुखांची पूर्तता झाली आहे. अशा आनंदी आयुष्याला कोणाची दृष्ट लागू नये, हीच ईश्वर चरणी प्रार्थना.