आजोबांना मोबाइल भेट

मयूर बोरसे, नाशिक
माझ्या पहिल्या पगाराच्या आठवणी खूप सुंदर आहेत. मला असे वाटते की, आपल्या पगाराचा आनंद आपल्यापेक्षाही जास्त आईवडिलांना होतो. मी नोकरीला लागल्यापासून पहिल्या पगारात एक गोष्ट करायची असे ठरवले होते. ते म्हणजे माझ्या आजोबांना मोबाइल भेट म्हणून द्यायचा. यामागचे कारणही तसेच आहे. कारण आज मी माझ्या शिक्षण पूर्ण केले. त्यानंतर नोकरी मिळाली. माझे अस्तित्व निर्माण करण्याचा प्रवास सुरू झाला. या सगळ्यात माझ्या आजोबांचा मोलाचा वाटा आहे. त्यांनी मला वेळोवेळी जे मार्गदर्शन केले त्यामुळेच माझ्या जीवनाला दिशा मिळाली.
आजोबांना मोबाइल भेट देण्यामागचे कारणही तसेच आहे. त्यची गंमत अशी की माझ्या आजोबांना ऐकायला कमी येते, पण त्यांच्या सगळ्या मित्रांकडे मोबाइल होता. आपल्या सगळ्या मित्रांकडे मोबाइल आहे. ता मोबाइल आपल्याकडेही असावा अशी त्यांची इच्छा होती. पण त्यांना ऐकू कमी येत असल्यामुळे कोणीच त्याकडे लक्ष दिले नाही. पण मी तेव्हापासून ठरवले होते की त्यांना मोबाइल घेऊन द्यायचा.
ठरवल्याप्रमाणे मी पहिला पगार मिळाल्यावर आजोबांना मोबाइल घेऊन दिला. त्यांच्या चेहऱ्यावरील तेव्हाचा आनंद अवर्णणीय होता. माझ्या पहिल्या पगारातून आजोबांना खूप
छान भेट दिली यामुळे हा पगार माझ्यासाठी खूप स्पेशल आहे.