अरविंद फडके, ठाणे
मला लहानपणापासूनच काही ना काही उपद्व्याप करण्याची सवय होती. अगदी काडेपेट्यांपासून बनवलेले कोच, टेबल, मातीच्या छोट्या विटा करून किंवा पोस्टकार्डापासून घरे बनवणं असे उद्योग चालत. पुढे शाळेत जाऊ लागल्यापासून प्रदर्शनात बसचं मॉडेल, ग्रामोफोनची छोटी प्रतिकृती, शाळेचे मॉडेल यांना बक्षिसं मिळत. वडिलांनी प्रोत्साहन दिल्यामुळे मी घरांची अगदी बारीक सारीक बारकाव्यासकट हुबेहूब मॉडेल्स बनवलीत. कॉलेजमध्ये जाऊ लागल्यानंतर घराच्या बागेत अनेक प्रकारची फुलझाडं, भाज्या लावणं याची आवड निर्माण झाली. पहिल्या वर्षीच चांगली बाग म्हणून पारितोषिक मिळालं. निरनिराळी फुलपाखरं बागेत दिसू लागली. पक्षीपण पाण्यात स्वछंद बागडत.
मुंबईतच एका नामवंत इंजिनीअरिंग कंपनीत नोकरी लागली, घर झालं. तेव्हा घरासाठी कपाटं, टिपॉय वगैरे बनवली. त्यासाठी बहुतेक सर्व हत्यारे माझ्याकडे जमली. दर दिवाळीला आकाशकंदील नवीन प्रकारचा बनवायचो. जसा नोकरीच्या व्यापातून वेळ मिळेल तसे इतर बरेच छंद जोपासले. ओरिगामी, थ्रीडी ओरिगामी, पॉप-अप ग्रीटींग्स, पेपर कटवर्कची डिझाइन्स, भूमितीय आणि त्रिमितीय वेगवेगळे अभ्यासपूर्ण केलेले आकृतीबंध असं बरंच काही करत राहिलो. करण्यात मला समाधान मिळतच होतं. तसंच घरच्यांना आणि मित्रमंडळींना ते बघून आनंद व्हायचा. कौतुकामुळे मला अधिकच उत्साह मिळत होता. फोटोग्राफीची आवड असल्याने मी फुलांचे बरेच फोटो काढले. त्याचं ऑफिसमध्ये प्रदर्शन पण भरवलं.
साधारण २००३मध्ये मी नोकरीतून निवृत्त झालो. आता भरपूर वेळ मिळणार होता. दरम्यान मी गोधडी बनवण्याचा विचार केला. कापडाचे निरनिराळ्या रंगाचे तुकडे हातांनी शिवून सुरेख असा पॅटर्न तयार झाला. एक नातीसाठी, एक मुलीसाठी अशा तीन-चार गोधड्या बनवल्या. एक बनवण्यास किमान ३ ते ४ महिने लागत. सध्या लहान काड्यांपासून आयफेल टॉवर बनवला. पेपर कटवर्कमधून लंडनचा टॉवर ब्रीज पण बनवला. मला एक संपलं की काहीतरी नवीन करण्याचे वेध लागतात.
मला लहानपणापासूनच काही ना काही उपद्व्याप करण्याची सवय होती. अगदी काडेपेट्यांपासून बनवलेले कोच, टेबल, मातीच्या छोट्या विटा करून किंवा पोस्टकार्डापासून घरे बनवणं असे उद्योग चालत. पुढे शाळेत जाऊ लागल्यापासून प्रदर्शनात बसचं मॉडेल, ग्रामोफोनची छोटी प्रतिकृती, शाळेचे मॉडेल यांना बक्षिसं मिळत. वडिलांनी प्रोत्साहन दिल्यामुळे मी घरांची अगदी बारीक सारीक बारकाव्यासकट हुबेहूब मॉडेल्स बनवलीत. कॉलेजमध्ये जाऊ लागल्यानंतर घराच्या बागेत अनेक प्रकारची फुलझाडं, भाज्या लावणं याची आवड निर्माण झाली. पहिल्या वर्षीच चांगली बाग म्हणून पारितोषिक मिळालं. निरनिराळी फुलपाखरं बागेत दिसू लागली. पक्षीपण पाण्यात स्वछंद बागडत.
मुंबईतच एका नामवंत इंजिनीअरिंग कंपनीत नोकरी लागली, घर झालं. तेव्हा घरासाठी कपाटं, टिपॉय वगैरे बनवली. त्यासाठी बहुतेक सर्व हत्यारे माझ्याकडे जमली. दर दिवाळीला आकाशकंदील नवीन प्रकारचा बनवायचो. जसा नोकरीच्या व्यापातून वेळ मिळेल तसे इतर बरेच छंद जोपासले. ओरिगामी, थ्रीडी ओरिगामी, पॉप-अप ग्रीटींग्स, पेपर कटवर्कची डिझाइन्स, भूमितीय आणि त्रिमितीय वेगवेगळे अभ्यासपूर्ण केलेले आकृतीबंध असं बरंच काही करत राहिलो. करण्यात मला समाधान मिळतच होतं. तसंच घरच्यांना आणि मित्रमंडळींना ते बघून आनंद व्हायचा. कौतुकामुळे मला अधिकच उत्साह मिळत होता. फोटोग्राफीची आवड असल्याने मी फुलांचे बरेच फोटो काढले. त्याचं ऑफिसमध्ये प्रदर्शन पण भरवलं.
साधारण २००३मध्ये मी नोकरीतून निवृत्त झालो. आता भरपूर वेळ मिळणार होता. दरम्यान मी गोधडी बनवण्याचा विचार केला. कापडाचे निरनिराळ्या रंगाचे तुकडे हातांनी शिवून सुरेख असा पॅटर्न तयार झाला. एक नातीसाठी, एक मुलीसाठी अशा तीन-चार गोधड्या बनवल्या. एक बनवण्यास किमान ३ ते ४ महिने लागत. सध्या लहान काड्यांपासून आयफेल टॉवर बनवला. पेपर कटवर्कमधून लंडनचा टॉवर ब्रीज पण बनवला. मला एक संपलं की काहीतरी नवीन करण्याचे वेध लागतात.