अनुजा पाठारे, चेंबूर
माझ्या मुलांची खोली ही माझी घरातील आवडती जागा आहे. मी मुलांची खोली खूप आवडीने सजवली आहे. मोठमोठे टेडी बिअर्स, वेगवेगळी कार्टून कॅरेक्टर्स कायम त्यांच्या पलंगावर विराजमान असतात. त्यांची खेळणी खोलीभर विखुरलेली असतात. माझ्या दोन्ही मुलांचे लहानपणापासूनचे फोटो एकत्र करून मी त्याचं सुंदर कोलाज केलं आहे. याच बरोबर भिंतीवर मी एक सुंदर चित्र काढले आहे. झाडाच्या पसरलेल्या फांद्या आणि त्यावर आकाशाकडे पाहत झेप घेण्यासाठी वाट बघत बसलेले इवलेसे पक्षी असं चित्र मी त्या खोलीत लावलं आहे. माझ्या घरट्यामधून माझी मुलं जशी त्यांच्या पंखात बळ आल्यावर बाहेरच्या जगात मुक्त विहार करतील त्याचंच हे चित्र प्रतीक आहे.
आमच्या सगळ्यांच्या लाडक्या खोलीत मी मुलांसोबत खूप छान वेळ घालवते. त्यांचा अभ्यास, त्यांच्यासोबत मनमोकळ्या गप्पा, खेळते, त्याची सिक्रेटस शेअर करते, त्यांच्याबरोबर मस्ती करते. अगदी जगण्याची सकारात्मक ऊर्जा मला येथेच मिळते. मला लेखनाची आणि वाचनाची ही खूप आवड आहे. हे दोन्ही छंद मी येथेच जोपासते. या खोलीच्या खिडकी बाहेर एक मोठे बकुळीचे झाड आहे.
बकुळीच्या फुलांचा मंद सुगंध दिवसभर खोलीत दरवळत असतो. याशिवाय एक आंब्याचं डेरेदार झाड ही या खिडकीजवळ आहे. त्यावर तुरुतुरु धावणारी खारुताई, रस्त्यावर दंगा करणारी बच्चे कंपनी, हे सारे पाहता-पाहता माझा रिकामा वेळ ही मजेत जातो.
कधी माझं मन निराश झालं की मी या खोलीत जाऊन बसते. भिंतीवरच्या फोटोफ्रेममधून निरागसपणे हसणारे माझ्या मुलांचे हसरे चेहरे पाहिले की, 'मला सांगा सुख म्हणजे नक्की काय असतं, काय पुण्य असलं की ते घर बसल्या मिळतं' या गाण्याच्या ओळी आठवतात. मनावरचे निराशेचे मळभ क्षणाधार्त दूर होतात. अशी ही मुलांची खोली माझ्यासाठी जणू नंदनवनच आहे.
माझ्या मुलांची खोली ही माझी घरातील आवडती जागा आहे. मी मुलांची खोली खूप आवडीने सजवली आहे. मोठमोठे टेडी बिअर्स, वेगवेगळी कार्टून कॅरेक्टर्स कायम त्यांच्या पलंगावर विराजमान असतात. त्यांची खेळणी खोलीभर विखुरलेली असतात. माझ्या दोन्ही मुलांचे लहानपणापासूनचे फोटो एकत्र करून मी त्याचं सुंदर कोलाज केलं आहे. याच बरोबर भिंतीवर मी एक सुंदर चित्र काढले आहे. झाडाच्या पसरलेल्या फांद्या आणि त्यावर आकाशाकडे पाहत झेप घेण्यासाठी वाट बघत बसलेले इवलेसे पक्षी असं चित्र मी त्या खोलीत लावलं आहे. माझ्या घरट्यामधून माझी मुलं जशी त्यांच्या पंखात बळ आल्यावर बाहेरच्या जगात मुक्त विहार करतील त्याचंच हे चित्र प्रतीक आहे.
आमच्या सगळ्यांच्या लाडक्या खोलीत मी मुलांसोबत खूप छान वेळ घालवते. त्यांचा अभ्यास, त्यांच्यासोबत मनमोकळ्या गप्पा, खेळते, त्याची सिक्रेटस शेअर करते, त्यांच्याबरोबर मस्ती करते. अगदी जगण्याची सकारात्मक ऊर्जा मला येथेच मिळते. मला लेखनाची आणि वाचनाची ही खूप आवड आहे. हे दोन्ही छंद मी येथेच जोपासते. या खोलीच्या खिडकी बाहेर एक मोठे बकुळीचे झाड आहे.
बकुळीच्या फुलांचा मंद सुगंध दिवसभर खोलीत दरवळत असतो. याशिवाय एक आंब्याचं डेरेदार झाड ही या खिडकीजवळ आहे. त्यावर तुरुतुरु धावणारी खारुताई, रस्त्यावर दंगा करणारी बच्चे कंपनी, हे सारे पाहता-पाहता माझा रिकामा वेळ ही मजेत जातो.
कधी माझं मन निराश झालं की मी या खोलीत जाऊन बसते. भिंतीवरच्या फोटोफ्रेममधून निरागसपणे हसणारे माझ्या मुलांचे हसरे चेहरे पाहिले की, 'मला सांगा सुख म्हणजे नक्की काय असतं, काय पुण्य असलं की ते घर बसल्या मिळतं' या गाण्याच्या ओळी आठवतात. मनावरचे निराशेचे मळभ क्षणाधार्त दूर होतात. अशी ही मुलांची खोली माझ्यासाठी जणू नंदनवनच आहे.