वंदना माईन, पवई
आजच्या काळात शहरी जीवनात फक्त इमारतींचे जंगल घरांच्या खिडकीतून पहायला मिळतं. गजबजलेल्या शहरापासून लांब जाऊनच आपल्याला निर्सगाचा सुंदर नयनरम्य अनुभव घेता येतो. त्याकरता सुट्टीच्या दिवसांची वाट पहावी लागते जेव्हा घराच्या खिडकीतून सुंदर तलावातील पाणी आणि त्यावर विहार करणाऱ्या पक्ष्यांचे दर्शन घेताना अगदी मनाला एक शांतता मिळते. असंच माझ्या घराच्या बेडरूमच्या खिडकीतून तलाव दिसतो. त्याच्या बाजूला असलेली छोटी टेकडी आहे. हे सगळं दृश्य पाहून अगदी शांत सुंदर वाटतं. जणू काही गावी गेल्याचा भास होतो.
आजकाल शहरी जीवनात खिडकीतून असं निसर्गरम्य, नयनरम्य दृश्य दिसणं म्हणजे दुर्मिळच गोष्ट आहे. त्या तलावातील वाऱ्याने हलणारे पाणी, पाण्याला स्पर्श करणारे पक्षी, पाण्यात डुंबून हळूच पाण्यावर तरंगणारी बदकं हे दृश्य मनाला भुरळ पाडणारे आहे. तलावाभोवती स्वच्छंदपणे विहार करता-करता पक्ष्यांची चटकन पाण्यात उडी मारण्याची आणि चटकन पाण्यावर येण्याची लकब पाहून जणू त्यांची खेळकर वृत्ती अनुभवयाला मिळते. कधी-कधी आमच्या भागातील काही माणसं छोटी नाव घेऊन त्यात फिरतात. जेव्हा मी मनाने उदास असते तेव्हा त्या तलावाकडे पाहून माझं मन शांत होतं. आता तर त्या तलावात मध्यभागी कारंज लावलेलं आहे. त्या कारंजातून उडणारे तुषार जणू हळूच माझ्या मनाच्या कोंदणात थंड तुषारांची चादर घालतात. ते नजरेच्या कुपीत साठून राहतात. असा हा तलावाचा सुंदर देखावा माझ्या बेडरूमच्या खिडकीतून मी अनुभवते.
आजच्या काळात शहरी जीवनात फक्त इमारतींचे जंगल घरांच्या खिडकीतून पहायला मिळतं. गजबजलेल्या शहरापासून लांब जाऊनच आपल्याला निर्सगाचा सुंदर नयनरम्य अनुभव घेता येतो. त्याकरता सुट्टीच्या दिवसांची वाट पहावी लागते जेव्हा घराच्या खिडकीतून सुंदर तलावातील पाणी आणि त्यावर विहार करणाऱ्या पक्ष्यांचे दर्शन घेताना अगदी मनाला एक शांतता मिळते. असंच माझ्या घराच्या बेडरूमच्या खिडकीतून तलाव दिसतो. त्याच्या बाजूला असलेली छोटी टेकडी आहे. हे सगळं दृश्य पाहून अगदी शांत सुंदर वाटतं. जणू काही गावी गेल्याचा भास होतो.
आजकाल शहरी जीवनात खिडकीतून असं निसर्गरम्य, नयनरम्य दृश्य दिसणं म्हणजे दुर्मिळच गोष्ट आहे. त्या तलावातील वाऱ्याने हलणारे पाणी, पाण्याला स्पर्श करणारे पक्षी, पाण्यात डुंबून हळूच पाण्यावर तरंगणारी बदकं हे दृश्य मनाला भुरळ पाडणारे आहे. तलावाभोवती स्वच्छंदपणे विहार करता-करता पक्ष्यांची चटकन पाण्यात उडी मारण्याची आणि चटकन पाण्यावर येण्याची लकब पाहून जणू त्यांची खेळकर वृत्ती अनुभवयाला मिळते. कधी-कधी आमच्या भागातील काही माणसं छोटी नाव घेऊन त्यात फिरतात. जेव्हा मी मनाने उदास असते तेव्हा त्या तलावाकडे पाहून माझं मन शांत होतं. आता तर त्या तलावात मध्यभागी कारंज लावलेलं आहे. त्या कारंजातून उडणारे तुषार जणू हळूच माझ्या मनाच्या कोंदणात थंड तुषारांची चादर घालतात. ते नजरेच्या कुपीत साठून राहतात. असा हा तलावाचा सुंदर देखावा माझ्या बेडरूमच्या खिडकीतून मी अनुभवते.