अदिती तवटे, कळवा
स्वत:चं राहातं घर हेच खरं तर प्रत्येकाच्या मनातील आवडीचं ठिकाण असतं. जेव्हापासून मला कळायला लागलं, आत्मभान आलं तेव्हापासूनच घरातील देवघर ही माझ्यासाठी खूप जवळची जागा झाली. सर्व घरांमध्ये देवी-देवतांसाठी एक वेगळी जागा असते. देवावर श्रद्धा असते आणि या श्रद्धेसाठीच घरातील एक कोपरा देवघरासाठी राखून ठेवला जातो. तसाच माझ्या देवांसाठी मी देवघर थाटलंय. माझ्या घरातील माझं देवघर माझ्यासाठी एक शक्तीशाली ऊर्जेचा स्त्रोत आहे. घरातील शुभकार्यानिमित्त आम्ही नुकतंच घराचं नूतनीकरण केलं आणि तेव्हाच जुन्या देवघराच्या ठिकाणी नवीन देवघर बनवलं.
खूप शोधाशोध करुन मी माझ्या आवडीचा सुंदरसे नक्षीकाम असलेला आकर्षक रंगसंगतीचा संगमरवरी देव्हारा आणून त्यात देवदेवतांना विराजमान केलं. सकाळी फक्त पाच मिनिटं जरी मी या देवघरात बसले तरी मला संपूर्ण दिवसभर पुरेल इतकी सकारात्मक ऊर्जा मिळते. नियमितपणे घरातील देवघरात भक्तीने पूजा केल्यास घरातील वातावरण पवित्र राहतं आणि मनाला शांती मिळते. जेव्हा मी हात जोडून देवांना नमस्कार करते तेव्हा सर्व देवदेवता माझ्यावर कृपाभिषेक करत मला आर्शीवाद देतात.
माझ्याबाबतीत जे-जे चांगलं घडतं, त्याकरता मी सदैव देवांचे आभार मानते व कठीण प्रसंगी त्यातून निभावून जाण्यास बळ मागते. सकाळी उठल्यावर माझी पाऊलं आपसूक त्या देवघराकडे वळतात, सर्व देवदेवतांचे दर्शन घेऊनच दिवसाच्या कामकाजाची सुरुवात करते. तसंच घरातून बाहेर पडताना देवांना नमस्कार करुन आर्शीवाद घेतल्याशिवाय बाहेर पडत नाही. रात्री नमस्कार करुन दिवसाची सांगता करते तेव्हा मनशांती मिळाल्याने झोप चांगली लागते. माझं हित कशात आहे, हे त्या देवघरातील देवांना पक्कं ठाऊक आहे, यावर माझा दृढविश्वास आहे. त्यामुळेच मी निश्चिंत व आनंदी असते.
स्वत:चं राहातं घर हेच खरं तर प्रत्येकाच्या मनातील आवडीचं ठिकाण असतं. जेव्हापासून मला कळायला लागलं, आत्मभान आलं तेव्हापासूनच घरातील देवघर ही माझ्यासाठी खूप जवळची जागा झाली. सर्व घरांमध्ये देवी-देवतांसाठी एक वेगळी जागा असते. देवावर श्रद्धा असते आणि या श्रद्धेसाठीच घरातील एक कोपरा देवघरासाठी राखून ठेवला जातो. तसाच माझ्या देवांसाठी मी देवघर थाटलंय. माझ्या घरातील माझं देवघर माझ्यासाठी एक शक्तीशाली ऊर्जेचा स्त्रोत आहे. घरातील शुभकार्यानिमित्त आम्ही नुकतंच घराचं नूतनीकरण केलं आणि तेव्हाच जुन्या देवघराच्या ठिकाणी नवीन देवघर बनवलं.
खूप शोधाशोध करुन मी माझ्या आवडीचा सुंदरसे नक्षीकाम असलेला आकर्षक रंगसंगतीचा संगमरवरी देव्हारा आणून त्यात देवदेवतांना विराजमान केलं. सकाळी फक्त पाच मिनिटं जरी मी या देवघरात बसले तरी मला संपूर्ण दिवसभर पुरेल इतकी सकारात्मक ऊर्जा मिळते. नियमितपणे घरातील देवघरात भक्तीने पूजा केल्यास घरातील वातावरण पवित्र राहतं आणि मनाला शांती मिळते. जेव्हा मी हात जोडून देवांना नमस्कार करते तेव्हा सर्व देवदेवता माझ्यावर कृपाभिषेक करत मला आर्शीवाद देतात.
माझ्याबाबतीत जे-जे चांगलं घडतं, त्याकरता मी सदैव देवांचे आभार मानते व कठीण प्रसंगी त्यातून निभावून जाण्यास बळ मागते. सकाळी उठल्यावर माझी पाऊलं आपसूक त्या देवघराकडे वळतात, सर्व देवदेवतांचे दर्शन घेऊनच दिवसाच्या कामकाजाची सुरुवात करते. तसंच घरातून बाहेर पडताना देवांना नमस्कार करुन आर्शीवाद घेतल्याशिवाय बाहेर पडत नाही. रात्री नमस्कार करुन दिवसाची सांगता करते तेव्हा मनशांती मिळाल्याने झोप चांगली लागते. माझं हित कशात आहे, हे त्या देवघरातील देवांना पक्कं ठाऊक आहे, यावर माझा दृढविश्वास आहे. त्यामुळेच मी निश्चिंत व आनंदी असते.