कविता तावडे, दहिसर
दीड वर्षापूर्वी माझी आवडती जागा होती बसमधील खिडकी. आॉफिसचा प्रवास एक तासाचा होता. बसायला जागा मिळाली की, मी माझी आवडती गाणी लावून माझ्या विश्वात रमून जात असे. बाहेरील दृश्य पाहात गाण्यांचा आनंद घेता-घेता प्रवास कधी संपत असे ते समजतच नसे. संध्याकाळच्या वेळी तर आकाश इतकं नयनरम्य दिसत असे की वाटे प्रवास कधी संपूच नये. तो एवढा मोठा पांढरा शुभ्र चंद्र आणि त्याच्या वरची ती सशाच्या आकाराची सावली डोळ्यासमोरून हटत नसे. तो माझ्या बरोबरच बसच्या वेगाने चालत येत असे आणि आकाशातले ते चमकणारे तारे माझे सोबती आहेत असं वाटायचं. कामाचा सगळा शीण निघून जाऊन ताजेतवाने वाटत असे.
पण काही कारणाने नोकरी सोडली आणि माझी आवडती जागा बदलली. आता मी पलंगावर बसून समोरच्या झाडांकडे एकटक बघत बसते. झाडांवरील निरनिराळे सुंदर पक्षी पाहते. खूप प्रसन्न वाटतं. नवनवीन कविता आणि लेख लिहिण्याची उत्कंठा जागी होते. स्वतःच्याच जगात रममाण होते. युट्यूबवर पाकशास्त्राचे आणि ब्रम्हकुमारीचे व्हिडीओ बघते, त्यामुळे नवीन-नवीन पदार्थही बनवणं शिकता येतं आणि सकारात्मक विचारही येतात. जगण्याचा दृष्टिकोन आपोआपच बदलतो. माझी गाणी गाण्याची आवडही मी इथेच बसून पूर्ण करते. अशा प्रकारे माझे छंद या जागी बसून पूर्ण करते व जगण्याचा मनसोक्त आनंद घेते.
दीड वर्षापूर्वी माझी आवडती जागा होती बसमधील खिडकी. आॉफिसचा प्रवास एक तासाचा होता. बसायला जागा मिळाली की, मी माझी आवडती गाणी लावून माझ्या विश्वात रमून जात असे. बाहेरील दृश्य पाहात गाण्यांचा आनंद घेता-घेता प्रवास कधी संपत असे ते समजतच नसे. संध्याकाळच्या वेळी तर आकाश इतकं नयनरम्य दिसत असे की वाटे प्रवास कधी संपूच नये. तो एवढा मोठा पांढरा शुभ्र चंद्र आणि त्याच्या वरची ती सशाच्या आकाराची सावली डोळ्यासमोरून हटत नसे. तो माझ्या बरोबरच बसच्या वेगाने चालत येत असे आणि आकाशातले ते चमकणारे तारे माझे सोबती आहेत असं वाटायचं. कामाचा सगळा शीण निघून जाऊन ताजेतवाने वाटत असे.
पण काही कारणाने नोकरी सोडली आणि माझी आवडती जागा बदलली. आता मी पलंगावर बसून समोरच्या झाडांकडे एकटक बघत बसते. झाडांवरील निरनिराळे सुंदर पक्षी पाहते. खूप प्रसन्न वाटतं. नवनवीन कविता आणि लेख लिहिण्याची उत्कंठा जागी होते. स्वतःच्याच जगात रममाण होते. युट्यूबवर पाकशास्त्राचे आणि ब्रम्हकुमारीचे व्हिडीओ बघते, त्यामुळे नवीन-नवीन पदार्थही बनवणं शिकता येतं आणि सकारात्मक विचारही येतात. जगण्याचा दृष्टिकोन आपोआपच बदलतो. माझी गाणी गाण्याची आवडही मी इथेच बसून पूर्ण करते. अशा प्रकारे माझे छंद या जागी बसून पूर्ण करते व जगण्याचा मनसोक्त आनंद घेते.