मधुसुदन लेले, नाशिक
माझे बालपण, प्राथमिक आणि माध्यमिक शिक्षण सिंधुदुर्ग जिल्ह्यातील मिठबाव (ता. देवगड) या समुद्र किनाऱ्यावरील एका छोट्या गावी झाले. मॅट्रिक (SSC) होईपर्यंत अगदी तालुक्याबाहेरसुद्धा जाता आले नाही. आगगाडी, बोट, विमान पाहिलेलेही नाही पण नंतरच्या जीवनात मात्र देशविदेशात भरपूर फिरण्याचा अनुभव मी घेतला.
मला वाचनाची आणि पर्यटनाची खूप आवड होती. २००४ ते २०१५ या बारा वर्षात केवळ पर्यटनासाठी म्हणून मी आणि पत्नी मंगला अशा दोघांनी लहानमोठ्या २६ देशांचा प्रवास केला. प्रवासाला निघण्यापूर्वी त्या त्या देशासंबंधी समग्र व अभ्यासपूर्ण वाचन केले गेलेच आणि त्याचबरोबर फोटोग्राफी, व्हिडिओ चित्रीकरण, तेथील वृत्तपत्रे आणि नाणी जमविणे हेही छंद जोपासले गेले. त्यामुळे आता सिंहावलोकन करताना हजारो फोटो, प्रत्येक ठिकाणी केलेले व्हिडिओ चित्रीकरण, वृत्तपत्रे, नाणी, तेथील आठवणींचे शब्दांकन या सर्वांचा संग्रह हाच आता माझा खजिना आहे.
चीन, अमेरिका, रशिया, ऑस्ट्रिया, बेल्जियम, झेकोस्लोवाकिया, इंग्लंड, फ्रान्स, जर्मनी, ग्रीस, हंगेरी, इटली, मलेशिया, मोनॅको, हॉलंड, पोलंड, सिंगापूर, दक्षिण आफ्रिका, स्पेन, स्वित्झर्लंड, थायलंड, तुर्की, अरब एमिरात, इजिप्त इत्यादी देश पाहण्याचा आनंद अनुभवला.
चीनची भिंत, बिजिंगमधील तियानमेन चौक, फरबिडन सिटी हा पुरातन राजवाड्यांचा समूह, टेराकोटा म्युझियम, शांघाय शहर, अमेरिकेतील नायगारा धबधबा, एम्पायर स्टेट बिल्डिंग, स्वातंत्र्य देवीचा पुतळा, राजधानी वॉशिंग्टन, रशियातील झारचा राजवाडा व म्युझियम, पीटर्सबर्गच्या नेवा नदीतील सफर, पीटर्सबर्ग ते मॉस्को आगगाडी प्रवास, क्रेमलीन राजवाडा, रशियन सर्कस आणि बॅले नृत्य, मॉस्को मेट्रो, लंडनची थेम्स नदी आणि टॉवर ब्रिज, पॅरिसचा आयफेल टॉवर, बर्लिनची भिंत, अथेन्स आणि इस्तंबूल ही शहरे, बोस्फोरस सामुद्रधुनी व भूमध्य समुद्रातील बेटांवरील बोट प्रवास, रोम-व्हेनिस-फ्लोरेन्स ही शहरे व पिसाचा झुकता मनोरा, ट्युलिप गार्डन व अनी फ्रँकचे सिक्रेट घर, हिटलर आणि नाझींनी ज्यूंचे हत्याकांड जेथे केले ती ओश्चवित्झ (Auschwitz) पोलंडची हृदय हेलावून टाकणारी छळछावणी, सिंगापूर, बँकॉक, क्वालालंपूर ही आशियायी शहरे पाहिली. दक्षिण आफ्रिकेतील केप ऑफ गुड होप व जोहान्सबर्गची सोन्याची खाण, बार्सिलोना, माद्रिद ही शहरे, दुबईचा बुर्ज खलीफ टॉवर, बुडापेस्टला Danube नदीतून सफर, इजिप्तचे अचंबित करणारे पिरॅमिड्स, तुतान खामेन आणि अन्य राजांची अतिप्राचीन थडगी आणि ममीज्, दुथडी भरून वाहणाऱ्या नाईल नदीतून क्रुझने तीन दिवस प्रवास करण्याची अपूर्व संधी, इत्यादी उत्तमोत्तम स्थानांचे घेतलेले हजारो फोटो, व्हिडिओ आणि जमविलेले सोव्हेनुर्स, वृत्तपत्रे, नाणी या सर्व वस्तू हा माझा एक खजिनाच आहे.
हा सर्व संग्रह आता पाहताना, इच्छुकांना दाखविताना आणि त्यावर काही लिहिताना तसेच या स्थानाविषयी काही माहिती टीव्हीवर पाहताना वृत्तपत्रात किंवा पुस्तकात वाचताना अरे ! हे तर सर्व आपण पाहिले, अनुभवले आहे असे मनात येऊन त्यावेळच्या आठवणीत आम्ही रमून जातो.
माझे बालपण, प्राथमिक आणि माध्यमिक शिक्षण सिंधुदुर्ग जिल्ह्यातील मिठबाव (ता. देवगड) या समुद्र किनाऱ्यावरील एका छोट्या गावी झाले. मॅट्रिक (SSC) होईपर्यंत अगदी तालुक्याबाहेरसुद्धा जाता आले नाही. आगगाडी, बोट, विमान पाहिलेलेही नाही पण नंतरच्या जीवनात मात्र देशविदेशात भरपूर फिरण्याचा अनुभव मी घेतला.
मला वाचनाची आणि पर्यटनाची खूप आवड होती. २००४ ते २०१५ या बारा वर्षात केवळ पर्यटनासाठी म्हणून मी आणि पत्नी मंगला अशा दोघांनी लहानमोठ्या २६ देशांचा प्रवास केला. प्रवासाला निघण्यापूर्वी त्या त्या देशासंबंधी समग्र व अभ्यासपूर्ण वाचन केले गेलेच आणि त्याचबरोबर फोटोग्राफी, व्हिडिओ चित्रीकरण, तेथील वृत्तपत्रे आणि नाणी जमविणे हेही छंद जोपासले गेले. त्यामुळे आता सिंहावलोकन करताना हजारो फोटो, प्रत्येक ठिकाणी केलेले व्हिडिओ चित्रीकरण, वृत्तपत्रे, नाणी, तेथील आठवणींचे शब्दांकन या सर्वांचा संग्रह हाच आता माझा खजिना आहे.
चीन, अमेरिका, रशिया, ऑस्ट्रिया, बेल्जियम, झेकोस्लोवाकिया, इंग्लंड, फ्रान्स, जर्मनी, ग्रीस, हंगेरी, इटली, मलेशिया, मोनॅको, हॉलंड, पोलंड, सिंगापूर, दक्षिण आफ्रिका, स्पेन, स्वित्झर्लंड, थायलंड, तुर्की, अरब एमिरात, इजिप्त इत्यादी देश पाहण्याचा आनंद अनुभवला.
चीनची भिंत, बिजिंगमधील तियानमेन चौक, फरबिडन सिटी हा पुरातन राजवाड्यांचा समूह, टेराकोटा म्युझियम, शांघाय शहर, अमेरिकेतील नायगारा धबधबा, एम्पायर स्टेट बिल्डिंग, स्वातंत्र्य देवीचा पुतळा, राजधानी वॉशिंग्टन, रशियातील झारचा राजवाडा व म्युझियम, पीटर्सबर्गच्या नेवा नदीतील सफर, पीटर्सबर्ग ते मॉस्को आगगाडी प्रवास, क्रेमलीन राजवाडा, रशियन सर्कस आणि बॅले नृत्य, मॉस्को मेट्रो, लंडनची थेम्स नदी आणि टॉवर ब्रिज, पॅरिसचा आयफेल टॉवर, बर्लिनची भिंत, अथेन्स आणि इस्तंबूल ही शहरे, बोस्फोरस सामुद्रधुनी व भूमध्य समुद्रातील बेटांवरील बोट प्रवास, रोम-व्हेनिस-फ्लोरेन्स ही शहरे व पिसाचा झुकता मनोरा, ट्युलिप गार्डन व अनी फ्रँकचे सिक्रेट घर, हिटलर आणि नाझींनी ज्यूंचे हत्याकांड जेथे केले ती ओश्चवित्झ (Auschwitz) पोलंडची हृदय हेलावून टाकणारी छळछावणी, सिंगापूर, बँकॉक, क्वालालंपूर ही आशियायी शहरे पाहिली. दक्षिण आफ्रिकेतील केप ऑफ गुड होप व जोहान्सबर्गची सोन्याची खाण, बार्सिलोना, माद्रिद ही शहरे, दुबईचा बुर्ज खलीफ टॉवर, बुडापेस्टला Danube नदीतून सफर, इजिप्तचे अचंबित करणारे पिरॅमिड्स, तुतान खामेन आणि अन्य राजांची अतिप्राचीन थडगी आणि ममीज्, दुथडी भरून वाहणाऱ्या नाईल नदीतून क्रुझने तीन दिवस प्रवास करण्याची अपूर्व संधी, इत्यादी उत्तमोत्तम स्थानांचे घेतलेले हजारो फोटो, व्हिडिओ आणि जमविलेले सोव्हेनुर्स, वृत्तपत्रे, नाणी या सर्व वस्तू हा माझा एक खजिनाच आहे.
हा सर्व संग्रह आता पाहताना, इच्छुकांना दाखविताना आणि त्यावर काही लिहिताना तसेच या स्थानाविषयी काही माहिती टीव्हीवर पाहताना वृत्तपत्रात किंवा पुस्तकात वाचताना अरे ! हे तर सर्व आपण पाहिले, अनुभवले आहे असे मनात येऊन त्यावेळच्या आठवणीत आम्ही रमून जातो.