अनिल पालये , बदलापूर दिनांक २६ जुलै २००५च्या महाप्रलयाने होत्याचं नव्हतं केलं. माझं १९७६ पासून प्रकाशित झालेल्या लिखाणाच्या कात्रणांचा संग्रह या महापुराच्या तावडीतून कसा सुटणार? नंतर चिखल लागलेली चिकटवलेली, फाटलेली पानं जुळवताना मला नाकीनऊ आले. माझा संग्रह तर वाढवायचा पण प्राणपणाने जपायचा या निश्चयाने माझ्या खजिन्याची योग्य ती काळजी घेऊ लागलो. माझ्या या खजिन्यात माझी हजार वाचकपत्रं, शेकडो लेख, काही कविता, प्रकाशित बातम्या, स्तंभलेखन, नामवंतांशी प्रश्नोत्तरे, विनोद, सुविचारांचे संकलन, विविध वृत्तपत्रे आणि नियतकालिकांतील प्रकाशित, अप्रकाशित लेखन खजिन्याच्या पहिल्या दालनात संग्रहीत आहेत. दुसऱ्या दालनात वृत्तपत्रातील हास्यचित्रं, बोधकथा, ग्राफिटी, आरोग्य, क्रीडा, कला, नाट्य, चित्रपट, नामवंत, पक्षीदर्शन, माशांचे प्रकार, चित्रकार, खेळाडू, कर्तृत्ववान महिला यांची माहिती, युवकांसाठी नोकरी/व्यवसायात यशस्वी होण्यासाठीच्या तज्ज्ञांच्या टिप्स, जुन्या मराठी-हिंदी चित्रपटांचे रसग्रहण इ. उपयुक्त माहितीचा संग्रह आहे. तिसऱ्या दालनात प्रदर्शनींचे आकर्षण म्हणून नामवंत खलनायक प्राण यांची समग्र माहिती आणि दुर्मिळ चित्रं साठवली आहेत. प्राण यांच्या प्रत्यक्ष भेटीत शाबासकी दिली तेव्हा या खजिन्याविषयी त्यांनी आश्चर्य प्रकट केलं. या तिन्ही छंदातून उभी रााहिली एक प्रकाशन संस्था. माझी आणि अन्य स्नेह्यांची, आप्तांची लिखित, संकलित आणि संपादित केलेली २० पुस्तकं आणि सध्या सुरू असलेली १० पुस्तकं या खजिन्यातील चौथे दालन आहे.
दिग्गजाकडून मिळाली शाबासकी
माझ्या या खजिन्यात माझी हजार वाचकपत्रं, शेकडो लेख, काही कविता, प्रकाशित बातम्या, स्तंभलेखन, नामवंतांशी प्रश्नोत्तरे, विनोद, सुविचारांचे संकलन, विविध वृत्तपत्रे आणि नियतकालिकांतील प्रकाशित, अप्रकाशित लेखन खजिन्याच्या पहिल्या दालनात संग्रहीत आहेत. दुसऱ्या दालनात वृत्तपत्रातील हास्यचित्रं, बोधकथा, ग्राफिटी, आरोग्य, क्रीडा, कला, नाट्य, चित्रपट, नामवंत, पक्षीदर्शन, माशांचे प्रकार, चित्रकार, खेळाडू, कर्तृत्ववान महिला यांची माहिती, युवकांसाठी नोकरी/व्यवसायात यशस्वी होण्यासाठीच्या तज्ज्ञांच्या टिप्स, जुन्या मराठी-हिंदी चित्रपटांचे रसग्रहण इ. उपयुक्त माहितीचा संग्रह आहे.
Maharashtra Times 26 Apr 2016, 12:12 am