हृदयाचेही आभार मान

स्मिता वाळके
आजी येणार हे एकून राजू ला खूप आनंद झाला. आता सगळ्या प्रश्नांची उत्तरे मिळतील याची त्याला खात्री होती. त्या रात्री राजू आणि आजी गच्चीवर गप्पा मारत होते. राजूने अचानक आजीला विचारलं की, आपल्या शरीरातले सगळेच अवयव आपल्याला दिसत नाहीत. म्हणजे हृदय, मेंदू वगैरे. मग त्यांचे आभार कसे मानायचे. आजी म्हणाली बेटा, हृदय आणि मेंदू हे आपल्या शरीराचे अत्यंत महत्त्वाचे अवयव आहेत. जसं घड्याळ बंद पडलं की फक्त शो पीस म्हणून ठेऊ शकतो. तसंच हृदय किंवा मेंदू काम करेनासे झाले तर त्या शरीराला काहीच किंमत नाही. त्यासाठी रोज सकाळी लवकर उठून देवाचे आपण आभार मानतो. तसंच हृदयावर आणि डोक्यावर हात ठेऊन त्यांचेही आभार मानावेत. हृदयाशी दोन शब्द बोलावे, त्याची चौकशी करावी आणि सांगावं की तुला त्रास होईल असं मी कधीच वागणार नाही. म्हणून तुझ्या मित्र-मैत्रिणींना माझा निरोप दे की, रोज प्राणायम करा आणि आपल्या हृदयाचे ठोके जाणून घ्या. राजूला आजीचे विचार पटले, त्यांनी दुसऱ्या दिवसापासून स्वता:च्या हृदयाची चौकशी करायला सुरुवात केली. राजू आता आनंदी होता. कारण त्याचे हृदय, मेंदू पण आनंदी होतं.