मनोहर विश्वासराव, शिवडी
काही गाणी इतकी हृदयस्पर्शी असतात की अशा गाण्यांना अनेक वर्षं लोटूनसुद्धा ते आपल्या मनावर राज्य करत असतात. असंच राजेश खन्ना यांच्या 'आराधना' सिनेमातील 'कोरा कागज था ये मन मेरा' हे गाणं माझं सर्वात आवडतं गाणं आहे. प्रेमकथेवर आधारित या सिनेमानं लोकप्रियतेचं शिखर तर गाठलंच पण सिनेमातील या गाण्यानं सर्वांनाच वेड लावलं होतं. आनंद बक्षी यांचं गीत आणि सचिन देव बर्मन यांचं संगीत गाण्याचा आत्मा असून किशोर कुमार आणि लता मंगेशकर यांच्या मधुर आवाजानं गाण्याला एक उंची मिळाली आहे. अशा या सदाबहार गाण्यातील काही ओळी...
कोरा कागज था
ये मन मेरा
लिख लिया नाम
इस पे तेरा
सूना आंगन था
जीवन मेरा
बस गया प्यार
जिस पे तेरा
गाण्याच्या सुरुवातीला पहाडांच्या हिरवळीत राजेश खन्ना यांची हसतमुख एंट्री दिलखेच आहे. तसंच गाण्यातील राजेश खन्ना आणि शर्मिला टागोर यांचा भेटण्याचा क्षण हा स्मरणात राहणारा आहे. सिनेमाची प्रेम कथा लक्षात घेत गीतकारानं केलेली शब्दांची रचनाही अप्रतिम आहे. गाणं ऐकत असताना गाण्यांचे बोल मनावर अशी काही जादू करतात की, गाणं एकदा ऐकूनही मनाचं समाधान काही होत नाही. यावरून गीतकाराच्या कौशल्याची प्रचिती येते.
टूट ना जाये सपने
मैं डरता हूँ
नीस दिन सपनों में
देखा करता हू
नैना कजरारे
मतवारे ये इशारे
खाली दरपन था
ये मन मेरा
रच गया रूप
इस में तेरा
चैन गंवाया मैने
निंदिया गंवाई
सारी सारी रात जागूं
दू मैं दुहाई
कहू क्या मैं आगे
नेहा लागे जी ना लागे
कोई दुश्मन था
ये मन मेरा
बन गया मीत
जा के तेरा
बागों में फूलों के
खिलने से पहले
तेरे मेरे नैनों के
मिलने से पहले
कहा थी ये बातें, मुलाकातें
ऐसी रातें
टूटा तारा था
ये मन मेरा
बन गया चांद होके तेरा
एकंदर उत्कृष्ट संगीत, अभिनय, गीतलेखन, गायन आणि छायाचित्रीकरण यांचा उत्तम मेळ या गाण्यात पाहायला मिळतो. गाण्याचे बोल आणि चालीवर राजेश खन्ना- शर्मिला टागोर यांनी केलेला अभिनय हा कौतुकास्पद आहे. तसंच गाण्यातील किशोर कुमार आणि लता मंगेशकर यांचा आवाज हा श्रोत्यांना मंत्रमुग्ध करतो. या गाण्याला ४५ वर्षं झाली तरी हे गाणं चाहत्यांच्या मनात जिवंत आहे. माझ्या आई-वडिलांना जुने चित्रपट आणि गाण्यांची प्रचंड आवड आहे. त्यांच्या आग्रहाखातर मी एक दिवस 'आराधना' सिनेमातील हे गाणं युट्यूबवर पाहिलं. तेव्हापासून हे गाणं जणू माझ्या हृदयावरच कोरलं आहे.