सांगा मुकुंद कुणी हा पाहिला!

शशी आचरेकर, लालबाग
व्ही. शांताराम, मेहबूब खान, बिमल रॉय, नितीन बोस, अमिया चक्रवर्ती, बलदेवराज चोप्रा, राजा परांजपे आणि राजदत्त हे माझे अत्यंत आवडते व्ही. शांताराम यांचा 'अमर भूपाळी' हा शाहीर होनाजी बाळा यांच्या जीवनावर आधारित अजरामर चित्रपट १९५१ साली प्रदर्शित झाला. तो मी १९६२ च्या दरम्यान प्रथम पाहिला. 'अमर भूपाळी' हा व्ही. शांताराम निर्मित- दिग्दर्शित, विश्राम बेडेकर लिखित दर्जेदार चित्रपट होता. कांस फिल्म्स फेस्टिवल पारितोषिकासाठी या चित्रपटाला नामांकन मिळालं होतं. या चित्रपटाला वसंत देसाई यांचं मधुर संगीत होतं. या चित्रपटात गायक पंडितराव नगरकर, ललिता पवार आणि संध्या यांच्या प्रमुख भूमिका होत्या. या चित्रपटातील 'घन:श्याम सुंदरा श्रीधरा', 'लटपट लटपट तुझं चालणं', 'तुझीं माझी प्रीत' ही गाणी खूपच गाजली आणि चित्रपटही हिट झाला. या चित्रपटातील पंडितराव नगरकर आणि आशाताई यांनी गायलेलं खालील गीत खूपच भावतं.
सांगा मुकुंद कुणी हा पाहिला
रासक्रीडा करिता वनमाळी, हो
सखे होतो आम्ही विषयविचारी
टाकुनी गेला तो गिरिधारी
कुठे गुंतून बाई हा राहिला
सांगा मुकुंद कुणी हा पाहिला
गोपी आळविती, हे ब्रजभूषणा हे
वियोग अम्हांलागी तुझा ना साहे
भावबळे वनिता व्रजाच्या, हो
बोलावुनी सुताप्रती नंदजीच्या
प्रेमपदी यदुकुळटिळकाच्या
म्हणे होनाजी हा, देह हा वाहिला
सांगा मुकुंद कुणी हा पाहिला