शशी आचरेकर, लालबाग निर्माता, दिग्दर्शक मेहबूबखान यांचा 'अमर' हा चित्रपट १९५४ साली प्रदर्शित झाला. या चित्रपटाचे संवाद आगा जान काश्मिरी यानी लिहिले असून गीतरचना शकील बदायुनी यांची असून संगीत नौशाद यांचे आहे. वकील अमरनाथ (अभिनय सम्राट दिलीपकुमार) आणि श्रीमंत असामी (उल्हास) यांची मुलगी अंजू (भारताची मॅरिलीन मॅनरो सौंदर्यवती मधुबाला) यांचं एकमेकांवर प्रेम असतं. नकळत दिलीपकुमार यांच्या हातून खेडवळ मुलगी सोनिया (निम्मी) हिच्यावर बलात्कार होतो आणि प्रायश्चित्त म्हणून दिलीपजी पत्नी म्हणून निम्मीचाच स्वीकार करतात. तिचेही दिलीपजींवर मनातून प्रेम असते. या चित्रपटात दिलीपकुमार, मधुबाला, निम्मी, जयंत, उल्हास, मुक्री, हुस्नबानू, अमर आणि मुराद यांच्या प्रमुख भूमिका आहेत. या चित्रपटांतील 'इक बात कहू', 'तेरे सदके बलम', 'ना शिकवा है कोई', 'इंसाफका मंदिर है ये', 'ना मिलता गम' ही गाणी अत्यंत श्रवणीय होती. पण मला जे लतादीदींचेही अतिशय आवडते गीत आहे आणि जे मधुबालाजींवर चित्रीत झालेले खालील गीत खूपच भावते. जानेवालेसे मुलाकात ना होने पाई दिल की दिल ही में रही बात ना होने पाई चांदनी खील ना सकी चांदने मूह मोड लिया जीसका अरमान था वो रात ना होने पाई दिलमे तूफान उठे फिरभी जुबा खुल ना सकी बदलिया छा गयी बरसात ना होने पाई वकील असूनही नायक बलात्कारी दाखवल्याने मधुबाला यांच्यासारखी अतिसुंदर प्रेयसी असतानाही सामान्य खेडवळ मुलीवर सुविद्य नायक बलात्कार करतो हे प्रेक्षकांना बिलकुलच पटलं नव्हतं. तसंच दिलीपजींना एकही गाणं नसल्याने मेहबूब यांच्या या चित्रपटाला 'औरत', 'अनमोल घडी', 'अंदाज', 'आन' आणि 'मदर इंडिया' सारखे भव्य यश मिळू शकले नाही.
जानेवालेसे मुलाकात...
नकळत दिलीपकुमार यांच्या हातून खेडवळ मुलगी सोनिया (निम्मी) हिच्यावर बलात्कार होतो आणि प्रायश्चित्त म्हणून दिलीपजी पत्नी म्हणून निम्मीचाच स्वीकार करतात. तिचेही दिलीपजींवर मनातून प्रेम असते. या चित्रपटात दिलीपकुमार, मधुबाला, निम्मी, जयंत, उल्हास, मुक्री, हुस्नबानू, अमर आणि मुराद यांच्या प्रमुख भूमिका आहेत.या चित्रपटांतील 'इक बात कहू', 'तेरे सदके बलम', 'ना शिकवा है कोई', 'इंसाफका मंदिर है ये', 'ना मिलता गम' ही गाणी अत्यंत श्रवणीय होती. पण मला जे लतादीदींचेही अतिशय आवडते गीत आहे आणि जे मधुबालाजींवर चित्रीत झालेले खालील गीत खूपच भावते.
Maharashtra Times 31 May 2016, 12:12 am