ऑस्ट्रेलियामध्ये घडली खाद्य जत्रा

कीर्तीकुमार कदम, विलेपार्ले

आमच्या महिनाभराच्या ऑस्ट्रेलिया सफरीत आम्हाला बरेच अनुभव आले. मेलबर्न, ब्रिस्बेन, गोल्ड कोस्ट, टांगालूमा आर्यलंड, केर्न्स, पर्थ वगैरे शहरांना भेटी देऊन सिडनीला पोहोचलो. आम्ही किंग्सफोर्ड स्मिथ एअरपोर्टवरून (ज्याला सिडनी किंवा मॅस्कॉट एअरपोर्ट म्हणूनही संबोधलं जातं) हॉटेलवर गेलो. फ्रेश होऊन सिडनी शहर पाहायला बाहेर पडलो. टूर डायरीमध्ये 'डार्लिंग हार्बर' या जागेचा बऱ्याच वेळा उल्लेख होता. म्हणून आम्ही तिथं डार्लिंग हार्बरला जाण्याचं ठरवलं. विचारपूस केल्यावर कळलं की, आम्ही राहत होतो त्यापासून फार लांब नसल्याचं कळलं. सर्वांना भूकही लागली होती. विचार केला तिथे पोहोचूनच जेवूया.
'डार्लिंग'ला इंडियन फूड मिळेल हे माहित होतं. म्हणून दुसरीकडे काही खाण्याचा प्रश्नच नव्हता. चालता-चालता मराठी संभाषण कानावर आलं. त्यालाच बोलता-बोलता मी सहज भारतीय जेवणाबद्दल विचारलं. त्यानेही सांगितलं की, पाचच मिनिटांवर 'डार्लिंग हार्बर' आहे आणि तिथं एक नाही दोन चांगले हॉटेल्स आहेत. त्याचे आभार मानून आम्ही 'डार्लिंग'कडे पोहोचलो. तिथल्या एका भारतीय हॉटेलमध्ये आम्ही जेवणं मागवलं. जेवण येईपर्यंत हॉटेलच्या मोठ्याल्या फ्रेंच विंडोजमधून 'डार्लिंग' खाडीच्या किनाऱ्यावरची पर्यटकांची आणि स्थानिकांची गर्दी, त्यापलीकडल्या गगनचुंबी इमारती हे सगळं नजरेस पडत होतं. जेवण आलं आणि ते खूप छान देखील होतं.
दुसऱ्या दिवशी टूरतर्फेच भारतीय जेवण होतं. त्या दुपारी बाँडी बीचवर आणि रात्री डार्लिंग हार्बरच्या क्रूझवर जाण्याचा बेत होता. तिसऱ्या दिवशी दुपारी 'सिटी टूर' चा शेवट 'डार्लिंग हार्बर' वरच झाला. अशाप्रकारे आमची ऑस्ट्रेलियाची सहल अतिशय उत्तम प्रकारे पार पडली.