नांदकिशोर पाखरे, पैठण
मी गेल्या वर्षी पावसाळ्यात कामानिमित्त पुण्याला गेलो होतो. माझं पुण्यातील काम आटपून माझ्या एका मित्राला फोन केला आणि मला घ्यायला बोलावलं. तो मित्र म्हणजे माझ्या गावातील बालमित्र कृष्णा मिसाळ. त्याच्यासोबत मी त्याच्या घरी गेलो, जेवण केलं. नंतर कुठे तरी फिरायला जायचा आमचा प्लॅन होता. मग आम्ही पुरंदर किल्ला पाहायला जायचं ठरवलं. हडपसर मार्गे दिवे घाटातून सासवड मार्गे आम्ही पुरंदरच्या पायथ्याला पोहोचलो. काही अंतर गाडीने गेलो तिथं आमची तपासणी करण्यात आली आणि आम्हाला पुढे सोडलं. आमचे मोबाइल जमा करून घेतले. आम्ही वर गेलो. संपूर्ण किल्ला पहिला आणि परतीचा मार्ग धरला. खाली येताना अचानक ढग दाटून आले आणि क्षणात पाऊस सुरू झाला. पाऊस इतका जोरात होता की आम्हाला समोरचं काहीच दिसत नव्हतं. इतक्या पावसात आम्ही कसेबसे पायथ्यापर्यंत आलो आणि तिथेच पाऊस थांबण्याची वाट पाहू लागलो. पण पाऊस काही थांबला नाही, मग आम्ही पावसातच गाडी घेऊन निघालो. खूप थंडी वाजत होती, कारण अंग खूप भिजलं होतं. मध्येच पावसाचा मारा बसत होता. अशा प्रकारे खाली आलो. एका हॉटेलवर गेलो आणि गरमागरम चहा-भजीचा आस्वाद घेतला. पाऊस बंद होण्याची वाट पाहत थांबलो. एक तासाने पाऊस थांबला. अशा प्रकारे रात्री घरी पोहोचलो. एकंदरच पावसामुळे आमची चांगलीच घाबरगुंडी उडाली होती.
मी गेल्या वर्षी पावसाळ्यात कामानिमित्त पुण्याला गेलो होतो. माझं पुण्यातील काम आटपून माझ्या एका मित्राला फोन केला आणि मला घ्यायला बोलावलं. तो मित्र म्हणजे माझ्या गावातील बालमित्र कृष्णा मिसाळ. त्याच्यासोबत मी त्याच्या घरी गेलो, जेवण केलं. नंतर कुठे तरी फिरायला जायचा आमचा प्लॅन होता. मग आम्ही पुरंदर किल्ला पाहायला जायचं ठरवलं. हडपसर मार्गे दिवे घाटातून सासवड मार्गे आम्ही पुरंदरच्या पायथ्याला पोहोचलो. काही अंतर गाडीने गेलो तिथं आमची तपासणी करण्यात आली आणि आम्हाला पुढे सोडलं. आमचे मोबाइल जमा करून घेतले. आम्ही वर गेलो. संपूर्ण किल्ला पहिला आणि परतीचा मार्ग धरला. खाली येताना अचानक ढग दाटून आले आणि क्षणात पाऊस सुरू झाला. पाऊस इतका जोरात होता की आम्हाला समोरचं काहीच दिसत नव्हतं. इतक्या पावसात आम्ही कसेबसे पायथ्यापर्यंत आलो आणि तिथेच पाऊस थांबण्याची वाट पाहू लागलो. पण पाऊस काही थांबला नाही, मग आम्ही पावसातच गाडी घेऊन निघालो. खूप थंडी वाजत होती, कारण अंग खूप भिजलं होतं. मध्येच पावसाचा मारा बसत होता. अशा प्रकारे खाली आलो. एका हॉटेलवर गेलो आणि गरमागरम चहा-भजीचा आस्वाद घेतला. पाऊस बंद होण्याची वाट पाहत थांबलो. एक तासाने पाऊस थांबला. अशा प्रकारे रात्री घरी पोहोचलो. एकंदरच पावसामुळे आमची चांगलीच घाबरगुंडी उडाली होती.