देवदूतच लाभले!

वर्षा ठुकराल, कल्याण
आम्ही सात बहिणी. आमचे बाबा आज ७७ वर्षांचे तर आई ६५ वर्षांची आहे. बाबा मधुमेही रुग्ण आहे तर आई पार्किनसन्स आणि अल्झायमर या आजारांनी त्रस्त. अशा परिस्थितीत आम्हा बहिणींना डॉ. प्रदीप शेलार यांच्या रुपाने आई-वडिलांवर उपचार करणारे देवदूतच लाभले. सध्या माझे आई-बाबा लहान बहीणीकडे असतात. आईच्या आजारामुळे तिला कधी ताप तर कधी हिमोग्लॉबीनची कमतरता भासायची. तसंच बाबांची कधी शुगर कमी जास्त होत असे. आईला बऱ्याचदा हॉस्पिटलमध्ये तातडीने भरती करा असा सल्ला स्थानिक डॉक्टर द्यायचे. मग आम्ही विक्रोळीवरुन थेट कल्याणचं शेलार हॉस्पिटल गाठायचो. आईला हॉस्पिटलमध्ये दाखल करण्यापासून ते तिला डिस्चार्ज मिळेपर्यंत सगळ्यासाठी मदत करायला हॉस्पिटलचा स्टाफ नेहमी तयार असे. निलेश भाऊ, आर. एम. ओ कोमल मॅडम, शकुंतला मावशी, सुषमा आणि सुजाता सिस्टर आणि इतर सगळ्या स्टाफने आईचं सगळं प्रेमाने केलं. स्वत:ला काय होतंय हे सांगता न येणारी आमची आई जेव्हा मोजक्या औषधाच्या आधारावर बरी होते तेव्हा आम्ही एका योग्य, निष्णात आणि हुशार डॉक्टरकडे आईचे उपचार करत आहोत याचं समाधान मिळालं. यासाठी डॉ. प्रदीप शेलार आणि त्यांच्या स्टाफचे आम्हा सर्व बहिणींकडून मन:पूर्वक आभार.