कल्ला फुल्ल, टेन्शन गुल!

कॉलेजिअन्सबरोबरच मराठी सेलिब्रिटीही दरवर्षी ‘मुंबई टाइम्स कार्निव्हल’ची उत्सुकतेनं वाट पाहत असतात. ‘वेलिंगकर इन्स्टिट्यूट ऑफ मॅनेजमेंट’प्रस्तुत कार्निव्हलच्या शेवटच्या दिवशी गोरेगावच्या पाटकर-वर्दे कॉलेजमध्ये रंगणाऱ्या खेळांसाठी मराठी इंडस्ट्रीतले तारे-तारका उत्साहाने अवतरले होते. बालपणीच्या आठवणी ताजे करणारे दोरीच्या उड्या, चमचा लिंबू, बटाटा शर्यत, संगीतखुर्ची, बलून रेस हे खेळ खेळत सतीश राजवाडे, अभिनय बेर्डे, पॅडी कांबळे, सुयश टिळक, प्रल्हाद कुरतडकर, हेमांगी कवी, शर्मिष्ठा राऊत आणि उर्मिला कानेटकर-कोठारे यांनी फुल टू कल्ला केला. ‘सेलिबडीज’ या थीमनुसार सेलिब्रिटींबरोबर विद्यार्थ्यांची जोडी जमवून हे खेळ खेळवण्यात आले.

कॉलेजमधला प्रत्येक विद्यार्थी मुंटा कार्निव्हलबद्दल उत्सुक असतो. आम्ही दरवर्षी कार्निव्हलमधले इव्हेंट्स, फ्लोटची आवर्जून वाट पाहतो. फ्लोटवर विद्यार्थ्यांना त्यांचे कलागुण दाखवण्याची संधी असते. दरवर्षीप्रमाणे यंदाचा कार्निव्हलही खूप छान, जल्लोषात पार पडला. आमच्या कॉलेजला त्यात सहभागी होण्याची संधी मिळाल्याने आम्हाला आनंद झाला आहे.
-डॉ. शर्मिष्ठा मटकर, प्रिन्सिपल, पाटकर-वर्दे कॉलेज