चीनचे पुन्हा हल्ले
नवी दिल्लीः भारताच्या युद्धविरामाच्या आवाहनाला दाद न देता १२ तासांच्या शांततेनंतर आज पहाटे अडीच वाजल्यापासून चीनने पुन्हा नथुला खिंडीपलीकडून भारतीय ठाण्यावर तोफांचा मारा सुरू केला. नागरी संरक्षणाचा उपाय म्हणून गंगटोक शहरात आजपासून प्रकाशबंदी जारी करण्यात आल्याचे प्रेस ट्रस्टच्या बातमीत म्हटले आहे. तोफांचा वर्षाव चालू असतानाच चिन्यांच्या प्राणाहुती पथकांनी भारतीय हद्दीत घुसण्याचा धाडसी प्रयत्न केला परंतु भारतीय जवानांनी तो हाणून पाडला.
भाषांच्या माध्यमास मान्यता
नवी दिल्लीः येत्या पाच ते दहा वर्षांत देशातील पदवीपूर्व शिक्षणाचे माध्यम भारतीय भाषा करण्यात यावे या केंद्रीय शिक्षणमंत्र्यांच्या निवेदनाला आज कुलगुरू परिषदेने संमती दिली. या भारतीय भाषांतून देण्यात येणाऱ्या शिक्षणाचे स्वरूप प्रत्येक विद्यापीठातून, प्रत्येक विषयानुरूप व एकाच विद्यापीठाच्या विविध शाखांतून भिन्न असेल या शिक्षणमंत्र्यांच्या विधानाशीही परिषद सहमत झाली.
ताडी माडी आवश्यक
वसईः समाजातील व्यसनाधीन लोकांची दुधावरची तहान ताकावर भागविण्यासाठी ताडी माडी सुरू करणे अपरिहार्य आहे. सरकारी बंधनामुळे ताडी माडीचा चोरटा धंदादेखील मोठ्या प्रमाणात होत असून शासकीय धोरणाला वाकडे वळण लागत आहे. ते टाळण्यासाठी आणि सरकारी तिजोरीत पैशाची भर घालण्यासाठी ताडी माडी खुली करण्याचे धोरण अंमलात आणावे, अशी सूचना महाराष्ट्र राज्य खादी ग्रामोद्योग मंडळाचे अध्यक्ष वि. स. पागे यांनी ताडी माडी संस्थांच्या प्रतिनिधी सभेत केली.
५४० कोटींची थकबाकी
मुंबईः गेल्या एक एप्रिल रोजी आयकराची थकबाकी ५४० कोटी रुपये होती असे सेंट्रल बोर्ड ऑफ डायरेक्ट टॅक्सेसचे चेअरमन एस. ए. एल. नारायणराव यांनी आज पत्रकारांना मुलाखत देताना सांगितले. त्यापैकी १५० कोटी रुपये अनेक कारणांमुळे वसूल होणार नाहीत असे ते म्हणाले. आयकर भरणाऱ्या २७ लक्ष नागरिकांकडून गतवर्षी ६२० कोटी रुपये करवसुली करण्यात आली. त्यापैकी ५५ टक्के कंपन्यांकडील होती.
(१४ सप्टेंबर १९६७च्या अंकातून)
नवी दिल्लीः भारताच्या युद्धविरामाच्या आवाहनाला दाद न देता १२ तासांच्या शांततेनंतर आज पहाटे अडीच वाजल्यापासून चीनने पुन्हा नथुला खिंडीपलीकडून भारतीय ठाण्यावर तोफांचा मारा सुरू केला. नागरी संरक्षणाचा उपाय म्हणून गंगटोक शहरात आजपासून प्रकाशबंदी जारी करण्यात आल्याचे प्रेस ट्रस्टच्या बातमीत म्हटले आहे. तोफांचा वर्षाव चालू असतानाच चिन्यांच्या प्राणाहुती पथकांनी भारतीय हद्दीत घुसण्याचा धाडसी प्रयत्न केला परंतु भारतीय जवानांनी तो हाणून पाडला.
भाषांच्या माध्यमास मान्यता
नवी दिल्लीः येत्या पाच ते दहा वर्षांत देशातील पदवीपूर्व शिक्षणाचे माध्यम भारतीय भाषा करण्यात यावे या केंद्रीय शिक्षणमंत्र्यांच्या निवेदनाला आज कुलगुरू परिषदेने संमती दिली. या भारतीय भाषांतून देण्यात येणाऱ्या शिक्षणाचे स्वरूप प्रत्येक विद्यापीठातून, प्रत्येक विषयानुरूप व एकाच विद्यापीठाच्या विविध शाखांतून भिन्न असेल या शिक्षणमंत्र्यांच्या विधानाशीही परिषद सहमत झाली.
ताडी माडी आवश्यक
वसईः समाजातील व्यसनाधीन लोकांची दुधावरची तहान ताकावर भागविण्यासाठी ताडी माडी सुरू करणे अपरिहार्य आहे. सरकारी बंधनामुळे ताडी माडीचा चोरटा धंदादेखील मोठ्या प्रमाणात होत असून शासकीय धोरणाला वाकडे वळण लागत आहे. ते टाळण्यासाठी आणि सरकारी तिजोरीत पैशाची भर घालण्यासाठी ताडी माडी खुली करण्याचे धोरण अंमलात आणावे, अशी सूचना महाराष्ट्र राज्य खादी ग्रामोद्योग मंडळाचे अध्यक्ष वि. स. पागे यांनी ताडी माडी संस्थांच्या प्रतिनिधी सभेत केली.
५४० कोटींची थकबाकी
मुंबईः गेल्या एक एप्रिल रोजी आयकराची थकबाकी ५४० कोटी रुपये होती असे सेंट्रल बोर्ड ऑफ डायरेक्ट टॅक्सेसचे चेअरमन एस. ए. एल. नारायणराव यांनी आज पत्रकारांना मुलाखत देताना सांगितले. त्यापैकी १५० कोटी रुपये अनेक कारणांमुळे वसूल होणार नाहीत असे ते म्हणाले. आयकर भरणाऱ्या २७ लक्ष नागरिकांकडून गतवर्षी ६२० कोटी रुपये करवसुली करण्यात आली. त्यापैकी ५५ टक्के कंपन्यांकडील होती.
(१४ सप्टेंबर १९६७च्या अंकातून)