तूर डाळ खरेदी
मुंबई - तूरडाळीच्या वाढत्या भावास आळा घालण्यासाठी महाराष्ट्र सहकारी मार्केटिंग फेडरेशनने तूर डाळीची मोठ्या प्रमाणावर खरेदी केली असल्याचे मुख्यमंत्र्यांनी आज विधान परिषदेत भाववाढीबद्दलच्या ठरावावर बोलताना जाहीर केले.
राजकारणात बंदी
मुंबई - जिल्हा परिषदेच्या कोणत्याही नोकराला कोणत्याही राजकीय पक्षाचे सभासद होता येणार नाही, राजकारणात भाग घेणाऱ्या संघटनेशी संबंध ठेवता येणार नाही किंवा अशा पक्षांना आणि संघटनांना वर्गणी किंवा आर्थिक सहाय्य देता येणार नाही व कोणत्याही राजकीय चळवळीला हातभार लावता येणार नाही. १९६१च्या महाराष्ट्र जिल्हा परिषदा आणि पंचायत समित्या कायद्याखाली महाराष्ट्र सरकारने महाराष्ट्र जिल्हा सेवा (वर्तणूक) नियम, १९६७ तयार केले आहेत. महाराष्ट्र शासनाच्या १५ जून १९६७च्या राजपत्रात त्यातील हे नियम प्रसिद्ध करण्यात आले आहेत.
चीनला हाँगकाँग नको
हाँगकाँग - अमेरिकेशी युद्ध झाले तर हाँगकाँग वसाहतीचे चीनला लष्करीदृष्ट्या महत्व असल्याने ती ताब्यात घेण्याचा विचार चेअरमन माओ त्से तुंग यांनी तूर्त बाजूला सारला आहे, असे वृत्त स्थानिक स्टार या दैनिकाने दिले आहे. पुरवठा व परकीय चलन मिळविण्याच्या दृष्टीने हाँगकाँग हा एक उपयुक्त तळ आहे, या परराष्ट्रमंत्री चेन यी यांच्या युक्तिवादाला चेअरमन माओ यांनी पाठिंबा दिला अशीही माहिती स्टारने दिली आहे.
भुकेपोटी अंदाधुंदी
कलकत्ता - अन्नधान्य परिस्थितीबाबत जनतेत जो खराखुरा असंतोष खदखदतो आहे, त्या पोटीच पश्चिम बंगाल राज्यात काही भागात सध्या अंदाधुंदीची लक्षणे दिसत आहेत, असे मुख्यमंत्री अजय मुकर्जी यांनी काल पत्रकारांना सांगितले. ते म्हणाले की, या भागात अन्नधान्य उपलब्ध करून देऊनच ही समस्या सोडवावी लागेल. भुकेल्या लोकांवर आपण गोळीबार करता कामा नये.
गोदी कामगार संपावर
मुंबई - अ. भा. पोर्ट आणि डॉक वर्कर्स फेडरेशनच्या आदेशानुसार देशातील प्रमुख बंदरांतील दोन लाखांवर बंदर व गोदी कामगार उद्या देशव्यापी मागणी दिन पाळणार आहेत.
मुंबई - तूरडाळीच्या वाढत्या भावास आळा घालण्यासाठी महाराष्ट्र सहकारी मार्केटिंग फेडरेशनने तूर डाळीची मोठ्या प्रमाणावर खरेदी केली असल्याचे मुख्यमंत्र्यांनी आज विधान परिषदेत भाववाढीबद्दलच्या ठरावावर बोलताना जाहीर केले.
राजकारणात बंदी
मुंबई - जिल्हा परिषदेच्या कोणत्याही नोकराला कोणत्याही राजकीय पक्षाचे सभासद होता येणार नाही, राजकारणात भाग घेणाऱ्या संघटनेशी संबंध ठेवता येणार नाही किंवा अशा पक्षांना आणि संघटनांना वर्गणी किंवा आर्थिक सहाय्य देता येणार नाही व कोणत्याही राजकीय चळवळीला हातभार लावता येणार नाही. १९६१च्या महाराष्ट्र जिल्हा परिषदा आणि पंचायत समित्या कायद्याखाली महाराष्ट्र सरकारने महाराष्ट्र जिल्हा सेवा (वर्तणूक) नियम, १९६७ तयार केले आहेत. महाराष्ट्र शासनाच्या १५ जून १९६७च्या राजपत्रात त्यातील हे नियम प्रसिद्ध करण्यात आले आहेत.
चीनला हाँगकाँग नको
हाँगकाँग - अमेरिकेशी युद्ध झाले तर हाँगकाँग वसाहतीचे चीनला लष्करीदृष्ट्या महत्व असल्याने ती ताब्यात घेण्याचा विचार चेअरमन माओ त्से तुंग यांनी तूर्त बाजूला सारला आहे, असे वृत्त स्थानिक स्टार या दैनिकाने दिले आहे. पुरवठा व परकीय चलन मिळविण्याच्या दृष्टीने हाँगकाँग हा एक उपयुक्त तळ आहे, या परराष्ट्रमंत्री चेन यी यांच्या युक्तिवादाला चेअरमन माओ यांनी पाठिंबा दिला अशीही माहिती स्टारने दिली आहे.
भुकेपोटी अंदाधुंदी
कलकत्ता - अन्नधान्य परिस्थितीबाबत जनतेत जो खराखुरा असंतोष खदखदतो आहे, त्या पोटीच पश्चिम बंगाल राज्यात काही भागात सध्या अंदाधुंदीची लक्षणे दिसत आहेत, असे मुख्यमंत्री अजय मुकर्जी यांनी काल पत्रकारांना सांगितले. ते म्हणाले की, या भागात अन्नधान्य उपलब्ध करून देऊनच ही समस्या सोडवावी लागेल. भुकेल्या लोकांवर आपण गोळीबार करता कामा नये.
गोदी कामगार संपावर
मुंबई - अ. भा. पोर्ट आणि डॉक वर्कर्स फेडरेशनच्या आदेशानुसार देशातील प्रमुख बंदरांतील दोन लाखांवर बंदर व गोदी कामगार उद्या देशव्यापी मागणी दिन पाळणार आहेत.