मराठी चित्रपट सर्वत्र
मुंबई : बृहन्मुंबईतील प्रत्येक चित्रटगृहात एका वर्षात किमान चार आठवडे तरी मराठी चित्रपट दाखविलेच पाहिजेत, असा आदेश महाराष्ट्र शासनाने दिला आहे. गृहखात्याचे उपमंत्री कल्याणराव पाटील यांनी आज महाराष्ट्र विधान परिषदेत महेश्वर ठाकूर यांच्या प्रश्नाला उत्तर देताना ही माहिती सांगितली. मुंबईत एकंदर ८६ चित्रपटगृहे असून, दोन चित्रपटगृहांत प्रामुख्याने मराठी चित्रपट दाखविले जातात आणि इतर पंधरा चित्रपटगृहात अधूनमधून मराठी चित्रपट दाखविले जातात, असेही त्यांनी सांगितले.
चण्यासारखी हिऱ्याची विक्री
मुंबई : सचिवालय जिमखान्याच्या पहिल्या मजल्यावर हिऱ्यांची चण्याकुरमुऱ्यासारखी विक्री सुरू आहे. केंद्र सरकारच्या नॅशनल मिनरल डेव्हलपमेंट कॉर्पोरेशनने १८ हजार २९४ हिऱ्यांचा (वजन ७५६३.७३ कॅरट) लिलाव पुकारला असून, आज त्याला सुरुवात झाली. चहाचा घोट घेता घेता हिऱ्यांचे व्यापारी सौदे करीत असून महिना भर लिलाव चालेल, असा अंदाज आहे. आजच्या लिलावात १९ हिऱ्यांची विक्री झाली. ही विक्री समाधानकारक असल्याचे कॉर्पोरेशनचे मॅनेजिंग डायरेक्टर भगवानसिंग यांनी सांगितले. ते म्हणाले की, पन्ना खाणीतील हिरे सर्वोत्तम गणले जातात. प्रथमच हे हिरे जागतिक बाजारपेठेत प्रवेश करीत आहेत.
ब्रिटनविरोधी कारवाईवर विचार
नवी दिल्ली : आशियाई लोकांवर प्रवेशवंदी घालणारा जो कायदा ब्रिटनने नुकताच संमत केला त्याविरुद्ध कारवाई करण्याच्या प्रश्नावर विचारासाठी मंत्रिमंडळाच्या परराष्ट्रविषयक उपसमितीची बैठक सोमवारी होणार आहे. याबाबतीत सध्या तरी भारत सरकारपुढे तीनच पर्याय आहेत. एक, विरोध दर्शविण्यासाठी राष्ट्रकुलाचे सदस्यत्व सोडणे, दुसरे म्हणजे इतर परकीय लोकांप्रमाणे ब्रिटनच्या नागरिकांना परकीय नोंद कायदा लागू करणे आणि तिसरे म्हणजे भारतात असलेली ब्रिटिश संपत्ती जप्त करणे.
चंदीरामानी फेमिना सुंदरी
नवी दिल्ली : आज येथील अशोक हॉटेलात झालेल्या सौंदर्यतारका पूनम चंदीरामानी हिची फेमिना सुंदरी म्हणून निवड झाली. मीरा नटराजन व जीनी बॉडलो यांचा अनुक्रमे दुसरा व तिसरा नंबर आला. बेनेट कोलमन आणि कंपनीचे अध्यक्ष द. का. कुंदे यांनी पूनमला मिस फेमिनाचा मुकुट चढविला.
मुंबई : बृहन्मुंबईतील प्रत्येक चित्रटगृहात एका वर्षात किमान चार आठवडे तरी मराठी चित्रपट दाखविलेच पाहिजेत, असा आदेश महाराष्ट्र शासनाने दिला आहे. गृहखात्याचे उपमंत्री कल्याणराव पाटील यांनी आज महाराष्ट्र विधान परिषदेत महेश्वर ठाकूर यांच्या प्रश्नाला उत्तर देताना ही माहिती सांगितली. मुंबईत एकंदर ८६ चित्रपटगृहे असून, दोन चित्रपटगृहांत प्रामुख्याने मराठी चित्रपट दाखविले जातात आणि इतर पंधरा चित्रपटगृहात अधूनमधून मराठी चित्रपट दाखविले जातात, असेही त्यांनी सांगितले.
चण्यासारखी हिऱ्याची विक्री
मुंबई : सचिवालय जिमखान्याच्या पहिल्या मजल्यावर हिऱ्यांची चण्याकुरमुऱ्यासारखी विक्री सुरू आहे. केंद्र सरकारच्या नॅशनल मिनरल डेव्हलपमेंट कॉर्पोरेशनने १८ हजार २९४ हिऱ्यांचा (वजन ७५६३.७३ कॅरट) लिलाव पुकारला असून, आज त्याला सुरुवात झाली. चहाचा घोट घेता घेता हिऱ्यांचे व्यापारी सौदे करीत असून महिना भर लिलाव चालेल, असा अंदाज आहे. आजच्या लिलावात १९ हिऱ्यांची विक्री झाली. ही विक्री समाधानकारक असल्याचे कॉर्पोरेशनचे मॅनेजिंग डायरेक्टर भगवानसिंग यांनी सांगितले. ते म्हणाले की, पन्ना खाणीतील हिरे सर्वोत्तम गणले जातात. प्रथमच हे हिरे जागतिक बाजारपेठेत प्रवेश करीत आहेत.
ब्रिटनविरोधी कारवाईवर विचार
नवी दिल्ली : आशियाई लोकांवर प्रवेशवंदी घालणारा जो कायदा ब्रिटनने नुकताच संमत केला त्याविरुद्ध कारवाई करण्याच्या प्रश्नावर विचारासाठी मंत्रिमंडळाच्या परराष्ट्रविषयक उपसमितीची बैठक सोमवारी होणार आहे. याबाबतीत सध्या तरी भारत सरकारपुढे तीनच पर्याय आहेत. एक, विरोध दर्शविण्यासाठी राष्ट्रकुलाचे सदस्यत्व सोडणे, दुसरे म्हणजे इतर परकीय लोकांप्रमाणे ब्रिटनच्या नागरिकांना परकीय नोंद कायदा लागू करणे आणि तिसरे म्हणजे भारतात असलेली ब्रिटिश संपत्ती जप्त करणे.
चंदीरामानी फेमिना सुंदरी
नवी दिल्ली : आज येथील अशोक हॉटेलात झालेल्या सौंदर्यतारका पूनम चंदीरामानी हिची फेमिना सुंदरी म्हणून निवड झाली. मीरा नटराजन व जीनी बॉडलो यांचा अनुक्रमे दुसरा व तिसरा नंबर आला. बेनेट कोलमन आणि कंपनीचे अध्यक्ष द. का. कुंदे यांनी पूनमला मिस फेमिनाचा मुकुट चढविला.