भारतीयांना सवलत
नवी दिल्ली- मूळ भारतीय असलेल्या परंतु कोणत्याही देशाचे नागरिक नसलेल्या सिलोनमधील लोकांना एक सवलत देण्यात आली आहे, असे सिलोनचे पंतप्रधान डुडली सेनानायके यांनी पंतप्रधान इंदिरा गांधी यांना सांगितले. या सवलतीनुसार पाच लक्ष २५ हजार मूळ भारतीय लोकांना १९६४च्या भारत-सिलोन करारानुसार १५ वर्षांच्या अवधीत भारतास परताताना अवमूल्यन पूर्व ७५ हजार रुपयांपर्यंतची मालमत्ता भारतात आणता येईल. परिणामत: सध्याच्या दरानुसार सिलोनमधील मूळ भारतीयांना एक लाख रुपयांची मालमत्ता भारतात आणता येईल.
डॉ. शं. गो. तुळपुळे दोषी?
पुणे- विद्यापीठाच्या मराठी विभागाचे प्रमुख डॉ. शं. गो. तुळपुळे यांच्यावरील गैरवर्तनाचे सर्व आरोप शाबीत झाले असून ते दोषी असल्याचा स्पष्ट निर्वाळा चौकशी समितीने दिला असल्याचे समजते. हा अहवाल विद्यापीठ कार्यकारिणीच्या सभासदांमध्ये नुकताच प्रसृत करण्यात आला आहे. पुणे विद्यापीठाच्या मराठी विभागातील प्राध्यापिका श्रीमती कुमुद घारपुरे यांनी डॉ. तुळपुळे यांच्या वागणुकीविषयी लेखी तक्रार केल्यामुळे ही चौकशी झाली होती.
राष्ट्रकुल लंडनमध्ये
नवी दिल्ली- राष्ट्रकुल पंतप्रधानांची आगामी परिषद सात ते १५ जानेवारी लंडनला भरणार आहे, असे परराष्ट्र खात्याचे राज्यमंत्री बळीराम भगत यांनी आज राज्यसभेत सांगितले. पंतप्रधान इंदिरा गांधी या परिषदेला हजर राहतील, अशी शक्यता त्यांनी व्यक्त केली.
बंबासारखा राष्ट्रवाद
कल्याण- लोकशाही सुजाण व सज्ञान नसेल तर ती टिकणार नाही. भारतीय एकात्मता टिकवायची असेल तर राष्ट्रवाद व निधर्मवाद यांचा वेगवेगळा विचार नको. आजचा राष्ट्रवाद आगीच्या बंबासारखा झाला आहे, एरव्ही शांत असतो, पण कोठे आग लागली रे लागली की तो धावत सुटतो, असे विचार प्रा. सदानंद वर्दे यांनी येथे एका व्याख्यानात व्यक्त केले.
(२९ नोव्हेंबर १९६८ च्या अंकातून)
नवी दिल्ली- मूळ भारतीय असलेल्या परंतु कोणत्याही देशाचे नागरिक नसलेल्या सिलोनमधील लोकांना एक सवलत देण्यात आली आहे, असे सिलोनचे पंतप्रधान डुडली सेनानायके यांनी पंतप्रधान इंदिरा गांधी यांना सांगितले. या सवलतीनुसार पाच लक्ष २५ हजार मूळ भारतीय लोकांना १९६४च्या भारत-सिलोन करारानुसार १५ वर्षांच्या अवधीत भारतास परताताना अवमूल्यन पूर्व ७५ हजार रुपयांपर्यंतची मालमत्ता भारतात आणता येईल. परिणामत: सध्याच्या दरानुसार सिलोनमधील मूळ भारतीयांना एक लाख रुपयांची मालमत्ता भारतात आणता येईल.
डॉ. शं. गो. तुळपुळे दोषी?
पुणे- विद्यापीठाच्या मराठी विभागाचे प्रमुख डॉ. शं. गो. तुळपुळे यांच्यावरील गैरवर्तनाचे सर्व आरोप शाबीत झाले असून ते दोषी असल्याचा स्पष्ट निर्वाळा चौकशी समितीने दिला असल्याचे समजते. हा अहवाल विद्यापीठ कार्यकारिणीच्या सभासदांमध्ये नुकताच प्रसृत करण्यात आला आहे. पुणे विद्यापीठाच्या मराठी विभागातील प्राध्यापिका श्रीमती कुमुद घारपुरे यांनी डॉ. तुळपुळे यांच्या वागणुकीविषयी लेखी तक्रार केल्यामुळे ही चौकशी झाली होती.
राष्ट्रकुल लंडनमध्ये
नवी दिल्ली- राष्ट्रकुल पंतप्रधानांची आगामी परिषद सात ते १५ जानेवारी लंडनला भरणार आहे, असे परराष्ट्र खात्याचे राज्यमंत्री बळीराम भगत यांनी आज राज्यसभेत सांगितले. पंतप्रधान इंदिरा गांधी या परिषदेला हजर राहतील, अशी शक्यता त्यांनी व्यक्त केली.
बंबासारखा राष्ट्रवाद
कल्याण- लोकशाही सुजाण व सज्ञान नसेल तर ती टिकणार नाही. भारतीय एकात्मता टिकवायची असेल तर राष्ट्रवाद व निधर्मवाद यांचा वेगवेगळा विचार नको. आजचा राष्ट्रवाद आगीच्या बंबासारखा झाला आहे, एरव्ही शांत असतो, पण कोठे आग लागली रे लागली की तो धावत सुटतो, असे विचार प्रा. सदानंद वर्दे यांनी येथे एका व्याख्यानात व्यक्त केले.
(२९ नोव्हेंबर १९६८ च्या अंकातून)