सरहद्द गांधी उल्हासित
नवी दिल्ली - देशातील हिंसाचाराच्या निषेधार्थ खान अब्दुल गफार खान यांनी सुरू केलेल्या उपोषणाचा आज दुसरा दिवस. दिवसभर त्यांनी विश्रांती घेतली. खूप वेळ ते निजूनच होते. आज त्यांचे दोनवेळा वजन घेण्यात आले. ते बरोबर १४२ पौंड भरले. दोन दिवसांत त्यांच्या वजनामध्ये बिलकुल घट झालेली नाही.
उपग्रहामार्फत टीव्ही
पुणे - उपग्रहावरून आलेले संदेश ग्रहण करणारे टेलिव्हिजन सेट भारतीय शास्त्रज्ञांनी बनवले असल्याचे माहिती व नभोवाणी खात्याचे राज्यमंत्री इंदरकुमार गुजराल यांनी येथे वार्ताहरांना सांगितले. अमेरिकेच्या नासा संस्थेबरोबर झालेल्या करारानुसार, मुंबई, पुणे, कलकत्ता, कानपूर, लखनऊ व श्रीनगर येथे १९७१-७२ च्या सुमारास टेलिव्हिजन कार्यक्रम दाखवण्यासाठी उपग्रहाचा वापर करण्यात येईल. आपल्या उपयोगासाठी भारताचा स्वतंत्र उपग्रह लवकरच सोडला जाण्याची शक्यताही त्यांनी यावेळी व्यक्त केली.
चांद्रयान आदळणार
केप केनेडी - पुढील महिन्यात चंद्रावर उतरणारे अमेरिकन अंतराळवीर आपल्या चांद्रयानाचा वरचा अर्धा भाग परतीचा प्रवास सुरू करण्यापूर्वीच चंद्राच्या पृष्ठभागावर मुद्दाम पाडतील, असे येथे जाहीर करण्यात आले आहे. या ५००५ पौंड वजनाच्या वरच्या भागाच्या दणक्याने चंद्रावर कृत्रिम भूकंप निर्माण होईल व चंद्राच्या अंतर्भागावर त्याचा कसा परिणाम होतो हे दिसून येईल, असे सांगण्यात आले.
लैंगिक शिक्षण कॉलेजात द्या
बेळगाव- देशातील महाविद्यालयातून लैंगिक शिक्षण सुरू करावे, असे मत जागतिक कीर्तीचे स्त्रीरोग तज्ज्ञ डॉ. बी. एम. शिरोडकर यांनी येथे व्यक्त केले. म्हैसूर राज्य वैद्यकीय परिषदेच्या अधिवेशनाचे उद्घाटन करताना ते म्हणाले की लैंगिक शिक्षण माध्यमिक शाळापासून देण्यास सुरुवात केली तर ते हानिकारक ठरेल, म्हणून ते टाळले पाहिजे.
नर्मदा तंटा कोर्टात
जबलपूर- नर्मदा पाणी तंटा लवादाकडे सोपवण्याचा केंद्र सरकारने निर्णय घेतल्यामुळे आता या प्रकरणी कायदेशीर इलाज योजण्याची वेळ आली आहे, असे उद्गार मध्यप्रदेशचे मुख्यमंत्री श्यामचरण शुक्ल यांनी काढले.
(५ ऑक्टोबर, १९६९च्या अंकातून)
नवी दिल्ली - देशातील हिंसाचाराच्या निषेधार्थ खान अब्दुल गफार खान यांनी सुरू केलेल्या उपोषणाचा आज दुसरा दिवस. दिवसभर त्यांनी विश्रांती घेतली. खूप वेळ ते निजूनच होते. आज त्यांचे दोनवेळा वजन घेण्यात आले. ते बरोबर १४२ पौंड भरले. दोन दिवसांत त्यांच्या वजनामध्ये बिलकुल घट झालेली नाही.
उपग्रहामार्फत टीव्ही
पुणे - उपग्रहावरून आलेले संदेश ग्रहण करणारे टेलिव्हिजन सेट भारतीय शास्त्रज्ञांनी बनवले असल्याचे माहिती व नभोवाणी खात्याचे राज्यमंत्री इंदरकुमार गुजराल यांनी येथे वार्ताहरांना सांगितले. अमेरिकेच्या नासा संस्थेबरोबर झालेल्या करारानुसार, मुंबई, पुणे, कलकत्ता, कानपूर, लखनऊ व श्रीनगर येथे १९७१-७२ च्या सुमारास टेलिव्हिजन कार्यक्रम दाखवण्यासाठी उपग्रहाचा वापर करण्यात येईल. आपल्या उपयोगासाठी भारताचा स्वतंत्र उपग्रह लवकरच सोडला जाण्याची शक्यताही त्यांनी यावेळी व्यक्त केली.
चांद्रयान आदळणार
केप केनेडी - पुढील महिन्यात चंद्रावर उतरणारे अमेरिकन अंतराळवीर आपल्या चांद्रयानाचा वरचा अर्धा भाग परतीचा प्रवास सुरू करण्यापूर्वीच चंद्राच्या पृष्ठभागावर मुद्दाम पाडतील, असे येथे जाहीर करण्यात आले आहे. या ५००५ पौंड वजनाच्या वरच्या भागाच्या दणक्याने चंद्रावर कृत्रिम भूकंप निर्माण होईल व चंद्राच्या अंतर्भागावर त्याचा कसा परिणाम होतो हे दिसून येईल, असे सांगण्यात आले.
लैंगिक शिक्षण कॉलेजात द्या
बेळगाव- देशातील महाविद्यालयातून लैंगिक शिक्षण सुरू करावे, असे मत जागतिक कीर्तीचे स्त्रीरोग तज्ज्ञ डॉ. बी. एम. शिरोडकर यांनी येथे व्यक्त केले. म्हैसूर राज्य वैद्यकीय परिषदेच्या अधिवेशनाचे उद्घाटन करताना ते म्हणाले की लैंगिक शिक्षण माध्यमिक शाळापासून देण्यास सुरुवात केली तर ते हानिकारक ठरेल, म्हणून ते टाळले पाहिजे.
नर्मदा तंटा कोर्टात
जबलपूर- नर्मदा पाणी तंटा लवादाकडे सोपवण्याचा केंद्र सरकारने निर्णय घेतल्यामुळे आता या प्रकरणी कायदेशीर इलाज योजण्याची वेळ आली आहे, असे उद्गार मध्यप्रदेशचे मुख्यमंत्री श्यामचरण शुक्ल यांनी काढले.
(५ ऑक्टोबर, १९६९च्या अंकातून)