निजलिंगप्पा राजीनामा
नवी दिल्ली
काँग्रेस कार्यकारिणीची बैठक येत्या १५ ऑक्टोबरला भरविण्याची वेळ आलीच तर काँग्रेसचे अध्यक्ष निजलिंगप्पा आपल्या पदाचा राजीनामा देण्याच्या मन:स्थितीत असल्याचे त्यांच्या निकटवर्ती गोटातून कळते. पंतप्रधान इंदिरा गांधी आणि काँग्रेसचे अध्यक्ष श्री निजलिंगप्पा या दोघांच्याही पाठीराख्यांनी संघटनेवर ताबा मिळवण्याची तयारी सुरू केली आहे.
मोकळी मैदाने
मुंबई
मुंबईतील मोकळ्या जागा व मैदाने यावर होणाऱ्या अतिक्रमणाविरुद्ध लोकमत जागृत करण्यासाठी घटनात्मक आंदोलन करण्यात येणार आहे, असे आझाद मैदान कमिटीचे अध्यक्ष व अपक्ष नगरसेवक बी. के. बोमन बेहराम यांनी आज पत्रकारांना सांगितले. ते म्हणाले की आझाद मैदानावर अनेक मजली सहकार भवन बांधण्याची योजना पुढे आल्यामुळे नागरिकांनी ही समिती अस्तित्वात आणली.
संशोधनाचे वेड हवे
मुंबई
इतिहास संशोधनाचे काम केवळ एखादे सरकारी खाते काढून होणार नाही, त्यासाठी या संशोधनासाठी वेळ असलेले, आत्मीयतेने रस घेऊन काम करणारे अभ्यासक हवेत, असे उद्गार मुख्यमंत्री वसंतराव नाईक यांनी काढले. पुराभिलेख व पुरातत्त्व मंडळाने प्रसिद्ध केलेल्या दोन ग्रंथांचे प्रकाशन त्यांच्या हस्ते झाले तेव्हा ते बोलत होते. 'मराठाकालीन प्रसिद्धी व्यक्तीची हस्ताक्षर वृत्तपत्रे' आणि 'शाहू दप्तरातील कागदपत्रांची वर्णनात्मक सूची खंड पहिला' या दोन ग्रंथांचा हा प्रकाशन समारंभ एलफिस्टन महाविद्यालयाच्या सभागृहात झाला.
तेलु मस्कारेन्हस सुटका
पणजी
ज्याप्रमाणे मोहन रानडे यांच्या सुटकेसाठी भारत सरकारने प्रयत्न केले त्याचप्रमाणे अजूनही पोर्तुगीजांच्या तुरुंगात खितपत पडलेले तेलु मस्कारेन्हस यांच्या सुटकेसाठी भारत सरकार प्रयत्न करीत आहे, असे पंतप्रधान इंदिरा गांधी यांनी आज सकाळी दाबोळी विमानतळावर पत्रकारांना सांगितले.
नवी दिल्ली
काँग्रेस कार्यकारिणीची बैठक येत्या १५ ऑक्टोबरला भरविण्याची वेळ आलीच तर काँग्रेसचे अध्यक्ष निजलिंगप्पा आपल्या पदाचा राजीनामा देण्याच्या मन:स्थितीत असल्याचे त्यांच्या निकटवर्ती गोटातून कळते. पंतप्रधान इंदिरा गांधी आणि काँग्रेसचे अध्यक्ष श्री निजलिंगप्पा या दोघांच्याही पाठीराख्यांनी संघटनेवर ताबा मिळवण्याची तयारी सुरू केली आहे.
मोकळी मैदाने
मुंबई
मुंबईतील मोकळ्या जागा व मैदाने यावर होणाऱ्या अतिक्रमणाविरुद्ध लोकमत जागृत करण्यासाठी घटनात्मक आंदोलन करण्यात येणार आहे, असे आझाद मैदान कमिटीचे अध्यक्ष व अपक्ष नगरसेवक बी. के. बोमन बेहराम यांनी आज पत्रकारांना सांगितले. ते म्हणाले की आझाद मैदानावर अनेक मजली सहकार भवन बांधण्याची योजना पुढे आल्यामुळे नागरिकांनी ही समिती अस्तित्वात आणली.
संशोधनाचे वेड हवे
मुंबई
इतिहास संशोधनाचे काम केवळ एखादे सरकारी खाते काढून होणार नाही, त्यासाठी या संशोधनासाठी वेळ असलेले, आत्मीयतेने रस घेऊन काम करणारे अभ्यासक हवेत, असे उद्गार मुख्यमंत्री वसंतराव नाईक यांनी काढले. पुराभिलेख व पुरातत्त्व मंडळाने प्रसिद्ध केलेल्या दोन ग्रंथांचे प्रकाशन त्यांच्या हस्ते झाले तेव्हा ते बोलत होते. 'मराठाकालीन प्रसिद्धी व्यक्तीची हस्ताक्षर वृत्तपत्रे' आणि 'शाहू दप्तरातील कागदपत्रांची वर्णनात्मक सूची खंड पहिला' या दोन ग्रंथांचा हा प्रकाशन समारंभ एलफिस्टन महाविद्यालयाच्या सभागृहात झाला.
तेलु मस्कारेन्हस सुटका
पणजी
ज्याप्रमाणे मोहन रानडे यांच्या सुटकेसाठी भारत सरकारने प्रयत्न केले त्याचप्रमाणे अजूनही पोर्तुगीजांच्या तुरुंगात खितपत पडलेले तेलु मस्कारेन्हस यांच्या सुटकेसाठी भारत सरकार प्रयत्न करीत आहे, असे पंतप्रधान इंदिरा गांधी यांनी आज सकाळी दाबोळी विमानतळावर पत्रकारांना सांगितले.