सत्ताधाऱ्यांचा सभात्याग
नवी दिल्ली - सत्ताधारी पक्षाच्या बहुसंख्य सदस्यांनी लोकसभेतून सभा तयार करण्याचा अभूतपूर्व असा प्रकार आज दिसला. काँग्रेस अध्यक्षांची लोकसभेत अप्रतिष्ठा करण्याच्या प्रयत्नाचा निषेधार्थ हा सभात्याग होता. यावेळी सभागृहात गोंधळ माजवून सदस्याने एकमेकांविरुद्ध कठोर शब्द वापरले. राष्ट्रपती निवडणुकीत काँग्रेस उमेदवाराच्या वतीने दडपण आणण्यात येत आहे, अशा आशयाच्या लक्षवेधी सूचना मिळाल्यावर हे घडले.
माझ्या जिवास धोका
नवी दिल्ली - केवळ उच्चपदावरून मला पदच्युत करण्याच्या धमक्या देण्यात येत नाहीत, तर मला जीवनातून संपवण्याच्याही धमक्या देण्यात येत आहेत, अशी माहिती पंतप्रधान श्रीमती इंदिरा गांधी यांनी आज येथे तीनशे सरकारी शिक्षकांसमोर भाषण करताना दिली. या धमक्या कोणी व केव्हा दिल्या हे त्यांनी सांगितले नाही.
दापोलीत महाविद्यालये
मुंबई - रत्नागिरी जिल्ह्यातील दापोली या तालुक्याच्या गावी येत्या शैक्षणिक वर्षापासून कृषी विद्यापीठ अंतर्गत मरीन इंजीनियरिंग (सागरी स्थापत्य) आणि अॅग्रिकल्चरल इंजिनिअरिंग (शेती स्थापत्य) ही दोन महाविद्यालये महाराष्ट्र शासनातर्फे सुरू होत आहेत.
स्मशान भेदभाव मुक्त
मुंबई - स्मशानभूमीतला भेदभाव ताबडतोब नष्ट करण्यात आला, असे नगरविकास खात्याचे मंत्री पु. ग. खेर यांनी आज विधानसभेत घोषित केले. हे वृत्त आज प्रसिद्ध झाले होते.
विरोधी नगरपिते उदासीन
मुंबई - हरिजन अर्भकाच्या मृतदेहाबाबत दाखवल्या गेलेल्या भेदभावाविरुद्ध महापालिकेत चर्चा घडवणे विरोधी नगरपित्यांना निकडीचे वाटत नसल्याचे आढळले. आज हे वृत्त प्रसिद्ध झाल्यानंतरही नगरपित्यांनी त्याची फारशी प्रतिक्रिया दिली नाही.
(८ ऑगस्ट १९६९ च्या अंकातून)
नवी दिल्ली - सत्ताधारी पक्षाच्या बहुसंख्य सदस्यांनी लोकसभेतून सभा तयार करण्याचा अभूतपूर्व असा प्रकार आज दिसला. काँग्रेस अध्यक्षांची लोकसभेत अप्रतिष्ठा करण्याच्या प्रयत्नाचा निषेधार्थ हा सभात्याग होता. यावेळी सभागृहात गोंधळ माजवून सदस्याने एकमेकांविरुद्ध कठोर शब्द वापरले. राष्ट्रपती निवडणुकीत काँग्रेस उमेदवाराच्या वतीने दडपण आणण्यात येत आहे, अशा आशयाच्या लक्षवेधी सूचना मिळाल्यावर हे घडले.
माझ्या जिवास धोका
नवी दिल्ली - केवळ उच्चपदावरून मला पदच्युत करण्याच्या धमक्या देण्यात येत नाहीत, तर मला जीवनातून संपवण्याच्याही धमक्या देण्यात येत आहेत, अशी माहिती पंतप्रधान श्रीमती इंदिरा गांधी यांनी आज येथे तीनशे सरकारी शिक्षकांसमोर भाषण करताना दिली. या धमक्या कोणी व केव्हा दिल्या हे त्यांनी सांगितले नाही.
दापोलीत महाविद्यालये
मुंबई - रत्नागिरी जिल्ह्यातील दापोली या तालुक्याच्या गावी येत्या शैक्षणिक वर्षापासून कृषी विद्यापीठ अंतर्गत मरीन इंजीनियरिंग (सागरी स्थापत्य) आणि अॅग्रिकल्चरल इंजिनिअरिंग (शेती स्थापत्य) ही दोन महाविद्यालये महाराष्ट्र शासनातर्फे सुरू होत आहेत.
स्मशान भेदभाव मुक्त
मुंबई - स्मशानभूमीतला भेदभाव ताबडतोब नष्ट करण्यात आला, असे नगरविकास खात्याचे मंत्री पु. ग. खेर यांनी आज विधानसभेत घोषित केले. हे वृत्त आज प्रसिद्ध झाले होते.
विरोधी नगरपिते उदासीन
मुंबई - हरिजन अर्भकाच्या मृतदेहाबाबत दाखवल्या गेलेल्या भेदभावाविरुद्ध महापालिकेत चर्चा घडवणे विरोधी नगरपित्यांना निकडीचे वाटत नसल्याचे आढळले. आज हे वृत्त प्रसिद्ध झाल्यानंतरही नगरपित्यांनी त्याची फारशी प्रतिक्रिया दिली नाही.
(८ ऑगस्ट १९६९ च्या अंकातून)