दोन आठवड्याहून अधिक काळ हॉस्पिटलमधून उपचार घेऊन परतलेले पं. भीमसेन जोशी आजही म्हणताहेत की... मला अजूनही गायचंय!
2/9
सिलेंडर महागले
पेट्रोल-डिझेलसोबत केंद्र सरकारने आज घरगुती वापराच्या गॅस सिलेंडरची किंमत ५० रुपयाने वाढवली. या भाववाढीमुळं सर्वसामान्यांना मोठा फटका बसणार आहे.
3/9
ओबामाचा विजय
हिलरी की ओबामा या प्रश्नाला उत्तर मिळालंय. अमेरिकेत येत्या नोव्हेंबरमध्ये अध्यक्षपदासाठी होणा - या निवडणुकीत डेमोक्रेटिक पक्षाचे उमेदवार म्हणून बराक ओबामा यांची निवड झाली आहे . ओबामा यांना २१११ डेलिगेट्सचं समर्थन मिळाले आहे . अमेरिकेच्या अध्यक्षपदाच्या शर्यतीत उतरणारे ओबामा हे पहिले ब्लॅक उमेदवार असणार आहेत. नोव्हेंबरमध्ये होणा - या अध्यक्षपदासाठीच्या निवडणुकीत ओबामा यांना रिपब्लिकन पक्षाचे उमेदवार जॉन मॅककन यांच्याशी लढत द्यावी लागणार आहे .
4/9
चिंब चिंब न्हाली मुंबापुरी
दिवसेंदिवस पारा चढत होता... घामाच्या धारा वाढत होत्या... वरुणराजाला सारेचजण आर्त साद घालत होते... ती हाक त्यानं ऐकली आणि तो मुंबईत उदार अंतःकरणानं बरसला. दाटून आलेलं आभाळ, विजेचं नृत्य, त्यापाठोपाठ आलेल्या सरी, धुंद करणारा मृद्गंध आणि गारे गार थंडाव्यानं मुंबईकर सुखावला...
उत्तर प्रदेशच्या मुख्यमंत्री मायावती यांच्या नव्या पुतळ्याची अखेर लखनऊच्या सामाजिक परिवर्तन प्रतीक स्थळ येथे पुनर्स्थापना करण्यात आली. डॉ. बाबासाहेब आंबेडकर, कांशिराम यांचे पुतळे १५ फूट उंचीचे असताना आपलाच पुतळा १२ फुटी का, असा प्रश्न करत त्यांनी महिन्याभरापूर्वी जुना पुतळा पाडून टाकला होता. आता उंची वाढवून हा पुतळा उभारण्यात आला आहे.
6/9
दम लागणार?
बिग बी अमिताभ बच्चन, किंग खान शाहरुख, गोविंदा यांच्यानंतर आता सल्लूमियाँचं दर्शनही गेम शोचा होस्ट म्हणून घडणार आहे. ६ जूनपासून सोनी एन्टरटेन्मेंटवर दस का दम हा भन्नाट कार्यक्रम सुरू होतोय. त्याची घोषणा मोठ्या थाटात झाली.. पण मिस्टर सलमान, ही होस्टगिरी सोपी नाही बरं! ती करताना शाहरुख सरही काठावरच पास झालेत. त्यामुळे दस का दम करताना स्वतःला दम लागणार नाही याची काळजी घ्या!
7/9
टेक हायटेक
दिवसागणिक तंत्रज्ञान बदलतंय... संगणकाचं युग म्हणता म्हणता कॉम्प्युटर कधी आउटडेटेड होईल सांगता येत नाही... याच चक्रावून टाकणा-या तंत्रज्ञानाचं भव्य प्रदर्शन तैवानमध्ये भरलंय. इन्टेलची अॅटोम चिप असलेला एमएसआय लॅपटॉप आयटीवाल्यांचं लक्ष वेधून घेतोय.
8/9
बर्थ डे बॉय!
क्ले कोर्टचा बादशाह राफेल नादालनं मंगळवारी आपला वाढदिवस ‘शान से’ साजरा केला. कोर्टवर प्रतिस्पर्धी निकोलस अल्मॅग्रोचा ६-१, ६-१, ६-१ असा धुव्वा उडवल्यानंतर त्यानं आपल्या मित्रांसोबत केक कापला आणि फेसाळत्या शॅम्पेनचा आस्वाद घेत जल्लोष केला.
9/9
चेहरे! ओळखीचे... अनोळखी
स्वित्झर्लंडच्या बॅसेलमध्ये सध्या इंटरनॅशनल आर्ट शो सुरू आहे. त्यातल्या आर्ट अनलिमिटेड या दालनात ओळखीच्या, अनोळखी चेह-यांची ही कलाकृती सगळ्यांचंच लक्ष वेधून घेतेय.. पण, ही फक्त एक झलक आहे. कलाप्रेमींसाठी हा शो म्हणजे अलिबाबाची गुहाच!!!
We use cookies and other tracking technologies to provide services in line with the preferences you reveal while browsing the Website to show personalize content and targeted ads, analyze site traffic, and understand where our audience is coming from in order to improve your browsing experience on our Website. By continuing to browse this Website, you consent to the use of these cookies. If you wish to object such processing, please read the instructions described in our privacy policy/cookie policy.