टाळ मृदुंगाचा गजर आणि ग्यानबा-तुकारामचा घोष करत पंढरीच्या दिशेनं चालणारी पावलं आपल्याला नवी नाहीत. मात्र, नाशिकमधून पंढरीच्या विठुरायाच्या दर्शनासाठी एक सायकलवारी मार्गस्थ झाली आहे. मागील आठ वर्षांपासून ही सायकलवारी सुरू आहे. तिच्याविषयी...
नाशिकमधून आज ही सायकलवारी पंढरपूरकडे मार्गस्थ झाली. तब्बल ८०० सायकलपटू या वारीत सहभागी झालेत. या सायकलवारीचं यंदाचं हे आठवं वर्ष आहे.
विठुरायाच्या दर्शनासाठी निघालेल्या या सायकलवारीत शाळकरी मुलांचाही सहभाग आहे.
वारीच्या मार्गावर सगळे भेद गळून पडतात, असं म्हणतात. नाशिकच्या सायकलवारीतही याची प्रचिती येतेय. या वारीत सहा वर्षांच्या चिमुरडीपासून ते ६५ वर्षांच्या आजोबांचाही सहभाग आहे. सहा दिव्यांगही यात सहभागी झाले आहेत.
नाशिकमधून निघालेल्या सायकलवारीत शहरातील अनेक नागरिक सहभागी झाले आहेत. नाशिकचे जिल्हाधिकारी सुरज मांढरे हे देखील वारीत सहभागी झाले आहेत.