वर्षाच्या सुरूवातीला टाटा मोटर्सने लॉन्च केलेली हॅरीयर या एसयूवी गाडीला ग्राहकांना भरपूर पसंती दिली. त्यामुळे टाटा आता आणखी ७ गाड्या बाजारात आणण्याची तयारी करत आहे. यातील काही मॉडेल नवीन असतील तर काही मॉडेल्स जुन्या मॉडेल्समध्ये थोडे बदल करून नव्याने लॉन्च होतील. पाहूया, या गाड्या आणि त्यांची वैशिष्ट्ये...
टाटाची बहुप्रतिक्षीत प्रिमियम हॅचबॅक गाडी 'टाटा अल्ट्रॉज' यावर्षी फेस्टीव्ह सीजनमध्ये लॉन्च होणार आहे. सप्टेंबर महिन्यापर्यंत ही गाडी बाजारात उपलब्ध होईल. ही गाडी ऑटो एक्सपो २०१८ या कार्यक्रमात प्रदर्शित केल्या गेलेल्या ४५ एक्स कॉन्सेप्टचं प्रॉडक्शन व्हर्जन आहे. दोन पेट्रोल आणि एक डिझेल इंजिन अशा तीन वेरिएंटमध्ये ही गाडी उपलब्ध असेल.
जिनेवा मोटर शो मध्ये ही गाडी प्रदर्शित करण्यात आली होती. २०२० मध्ये दुसऱ्या नावाने ही गाडी भारतातही प्रदर्शित केली जाईल. भारतात उपलब्ध असणाऱ्या ५ आसनी हॅरियर एसयूव्ही गाडीचं हे ७ सिट्स असणारं व्हर्जन आहे.
टाटाच्या लोकप्रिय हॅरीयर एसयूव्हीचं अपडेटेड व्हर्जन २०२० साली लॉन्च होईल. आत्ताच्या व्हर्जनमध्ये असणाऱ्या इंजिनपेक्षा जास्त पॉवर असणारं बीएस ६ हे इंजिन नव्या व्हर्जनमध्ये बसवण्यात येईल. यासोबतच नव्या व्हर्जनमध्ये ६ स्पीड ऑटोमॅटिक गिअरबॉक्स आणि सनरूफही बसवण्यात येणार आहे.
'टियागो' या हॅचबॅकचं हे फेसलिफ्ट व्हर्जन असेल. क्रॅश टेस्ट आणि प्रवासी सुरक्षेची मानके पुर्ण करण्यासाठी नव्या 'टियागो'च्या स्ट्रक्चरमध्ये काही बदल केले आहेत. इंटेरिअरही काहीसं बदललं आहे. एप्रिल २०२० नंतर यातील डिझेल व्हर्जन बंद करून १.२ लिटर बीएस ६ पेट्रोल इंजिन उपलब्ध असेल. यंदा ऑक्टोबरमध्ये ही गाडी लॉन्च होईल.
'टियागो'चं सेदन व्हर्जन 'टाटा टिगोर' या गाडीचंही फेसलिफ्ट व्हर्जन उपलब्ध होणार आहे. 'टियागो'मध्ये होणारे बदल यातही होतील. पण 'टियागो'पेक्षा जादा फिचर्स 'टिगोर'मध्ये असतील असा अंदाज वर्तवला जात आहे.
जिनेवा मोटर शोमध्ये लहान आकाराच्या या एसयूव्हीची संकल्पना मांडण्यात आली होती. २०२० मध्ये होणाऱ्या 'ऑट एक्सपो'मध्ये ही गाडी प्रदर्शित होण्याची शक्यता आहे.
सब-कॉम्पॅक्ट एसयूव्ही सेगमेंट मधली वाढती स्पर्धा लक्षात घेता टाटाने 'एसयूव्ही नेक्सॉन' या मॉडेलमध्ये बदल करून फेसलिफ्ट व्हर्जन बाजारात आणण्याची तयारी सुरू केलीये. या गाडीला आधुनिक लुक देण्यासाठी यात नवीन फ्रंट स्टाइलिंग बसवण्यात आलं आहे. याशिवाय इंटेरिअरमध्येही काही बदल केले असून इंजिन बीएस ६ एमिशन नॉर्म्सनुसार असेल.