लाखो रुपये खर्चून केली जाणारी कारची खरेदी नेमकी आणि योग्य असायला हवी. त्यासाठी पुढील काही टिप्स.
फोर व्हिलर कितीपर्यंत घ्यायचीय, त्याची ढोबळ रक्कम आधीच ठरवा जेणेकरून निर्णय घ्यायला मदत होईल आणि मॉडेलच्या भाऊगर्दीत हरवायला होणार नाही. आज काल फॉर व्हिलर्समध्ये ऑफ-रोडर गाड्यांची जास्त चलती आहे. त्यातल्या फोर बाय फोर गाड्यांच्या किमती अधिक आहेत. त्यात सनरुफची सुविधा असेल तर हा आकडा आणखी वर जातो. त्यामुळं नेमकी कोणत्या पद्धतीची गाडी हवी आहे, हेही नीट ठरवावे.
हा मुद्दा अतिशय महत्वाचा ठरतो. शहरातल्या गर्दीचा सामना करत त्यातून सफाईदारपणे वाट काढण्यासाठी, रहदारीतून आत्मविश्वासाने चालवण्यासाठी टू-व्हीलरचं वजन पेलता येणं, जमिनीवर सहज पाय टेकवता येणं आवश्यक आहे. त्यामुळं आपापल्या क्षमतेनुसार, उंचीनुसार हा निर्णय घ्यावा. फोर व्हिलरच्या बाबतीत म्हणावं तर बजेट, कुटुंबाचा आकार आणि आपल्याला अपेक्षित असलेली फिचर्स असणारी गाडीच घ्यावी.
इतकी रक्कम खर्चून घेतलेल्या फोर-व्हीलरमध्ये दर महिन्याला अव्वाच्या सव्वा इंधन भरणं अनेकांना रूचणार नाही. त्यामुळं कंपनी आणि मॉडेल निश्चित करताना मायलेजची पूर्ण माहिती घ्यायला हवी. कंपन्याच्या भुलथापांना भुलुन न जाता प्रत्यक्षातलं चित्र जाणून घ्यावं. फोर व्हिलरचं मायलेज प्रति लिटर १६ ते २० किलोमीटर असावं.
नवीन तंत्रज्ञान असलेल्या आजकालच्या अनेक फोर-व्हिलर्समध्येही ऑटो-स्टार्टची सोय असते.
स्टोअरेज हा महत्वाचा मुद्दा असतो. हेल्मेटपासून बॅगांपर्यंत काय-काय ठेवण्यासाठी ही हक्काची जागा पाहिजेच. प्रत्येक कंपनीनं ही तरतूद वेगवेगळ्या प्रकारे केली आहे. आपलं प्राधान्य आणि गरज विचारात घेऊन त्यातून निवड करता येईल.
केवळ रंग-रुप चांगलं आहे, बऱ्याच मित्रांकडे आहे, अनेकांनी सुचवलीय, स्वस्त आहे म्हणून एखाद्या गाडीची निवड करू नये. खरंच ती गाडी किती टिकाऊ आहे, दणकट आहे आणि किती उपयोगी आहे याची खातरजमा करावी.
वेळच्या वेळी गाडी सर्व्हिसिंगला नेताना, गाडीमध्ये अचानक बिघाड झाल्यास सर्व्हिस सेंटर कुठे आहे, हे माहित असणं अत्यंत महत्त्वाच ठरतं. त्यामुळं हे सेंटर सोयीच्या ठिकाणी आहे ना याची खात्री करायला हवी.
गाडी दर्जेदार, टिकाऊ असणं गरजेचं आहेच पण तिचा रंग, स्टाइल मनासारखी असायला हवी. हेही तितकंच महत्त्वाच. गाड्यांमध्ये अनेक आकर्षक लूक उपलब्ध आहेत. त्यातून आपली आवड नक्कीच जपता येईल.