आकर्षक लूक आणि दमदार स्पीड यामुळे स्पोर्ट्स कार लोकांना आकर्षित करतात. स्पोर्ट्स कार उत्पादक कंपन्या कार चाहत्यांची ही आवड अशीच कायम टिकून रहावी यासाठी एकापेक्षा एक सरस कार बाजारात आणातात. २०१९मध्ये भारतीय बाजारात काही उत्तम दर्जाच्या स्पोर्ट्स कार लाँच होणार आहेत. अशाच काही कार विषयी जाणून घेऊयात...
पुढच्या वर्षी ऑडीचे या छोट्या स्पोर्ट्स कारचे फेसलिफ्ट प्रकारातील मॉडेल भारतात सादर होणार आहे. फेसलिफ्ट ऑडी टीटीमध्ये नवीन सिंगल फ्रेम ग्रील, मोठे साइड एअर-इनलेट्स, अधिक फीचर्स आणि दमदार इंजिन असणार आहे. यात २.० लीटरचे इंजिन आहे. ही आकर्षक स्पोर्ट्स कार भारतात २०१९च्या मध्यावर लाँच होणार आहे. याची किंमत अंदाजे ६८ लाख रुपये असेल.
अॅस्टन मार्टिनची अतिशय पावरबाज आणि अति वेगवान कार पुढल्या वर्षी भारतात जूनपर्यंत येणार आहे. यात ५.२ लीटर व्ही १२ इंजिन आहे. जे ७२५ एचपी ऊर्जा निर्माण करते. ही कार फक्त ३.४ सेकंदात ०-१०० किलोमीटर प्रतितास वेगाने अंतर कापते. या कारची किंमत जवळपास ६ कोटी रुपये असेल.
फेरारीच्या या आकर्षक कारचा कूपे आणि स्पाइडर प्रकारही पुढल्या वर्षी भारतात येणार आहे. या दोन प्रकारांत ३.९ लीटर, ट्विन-टर्बो इंजिन देण्यात आलं आहे, जे ७२१ एचपी ऊर्जा निर्माण करते. २०१९च्या मध्यावर लाँच होणाऱ्या या दोन मॉडेल्सची किंमत ५ ते ६ कोटी रुपये असेल.
मर्सिडिजची ही कूपे कार वर्ष २०१९ अखेर भारतात लाँच होणार आहे. ही कार इंजिनच्या दोन प्रकारात उपलब्ध असेल. यात एक ३.० लीटर, इन-लाइन, ६सिलेंडर इंजिन असेल, तर दुसरे ४.० लीटर व्ही८ इन-लाइन इंजिन आहे. याची किंमत १.४ कोटी पासून ते १.८ कोटींपर्यंत असेल.
ही लक्झरी स्पोर्ट्स कार भारतात पुढल्या वर्षी अखेर लाँच होणार आहे. ही ४.४ लीटर पेट्रोल आणि ३.० लीटर डिझेल इंजिन प्रकारात बाजारात येईल असा अंदाज वर्तविण्यात येत आहे. या कारची किंमत १.२ पासून १.४ कोटी रुपयांपर्यंत असेल.
फोर्ड मस्टॅगचे फेसलिफ्ट प्रकारातील मॉडेल २०१९ च्या सुरूवातीलाच लाँच होणार आहे. यात अधिक पावरफुल ५.०लीटर क्षमतेचे इंजिन दिले आहे. मस्टॅगच्या फेसलिफ्टमध्ये ६ स्पीड ऐवजी १० स्पीड अॅटोमॅटिक ट्रांसमिशन मिळेल. या कारची किंमत ८० लाख रुपयांच्या आसपास असेल.