सध्या राज त्याच्या आईसोबत राहत नसून तो कावेरी आणि वैदहीसोबत त्यांच्या घरी राहतोय. माहेरचा चहाचा वर्धापनदिन साजरा करण्याची लगबग सध्या मालिकेत दाखवली जात आहे.
मालिकेतील राजला माहेरचा चहाच्या २०व्या वर्धापनदिनासाठी यायचं नसतं. पण आपल्या मैत्रिणींच्या आग्रहाखातर तो वर्धापनदिनी यायला तयार होतो.
पण कटकारस्थान करणारे राजचे काका, काकी आणि वहिनी राजला एका वेगळ्यात प्रकरणात अडकवतात.
इथेच आता मालिकेत एक मोठा ट्विस्ट पाहायला मिळणार आहे. येत्या रविवारी एक तासाचा विशेष भाग प्रेक्षकांना पाहायला मिळणार आहे.
वर्धापनदिनी मोठा सोहळा होत असताना राज आणि कावेरीचे काही फोटो समोर आले आहेत. यात पत्रकारांकडून राज कावेरीसोबत लिव्ह-इनमध्ये राहत असल्याचं सांगितलं जातं.
आता राज पत्रकारांच्या या प्रश्नांना काय उत्तरं देणार, संस्कृती आणि परंपरेचा आग्रह करणारी राजची आई पुढे काय पाऊलं उचलणार हे पाहणं औत्सुक्याचं ठरणार आहे.