नाटक, टीव्ही मालिका आणि सिनेमा यातून महाराष्ट्राच्या घराघरात पोहोचलेले व कोकणी बाणा जपणारा विनोदी अभिनेता दिंगबर नाईक याला 'मराठी बिग बॉस'च्या घरात प्रवेश मिळालाय. हा अस्सल कोकणी माणूस बिग बॉसच्या घरात प्रवेश करणारा चौथा स्पर्धक आहे. तो 'बिग बॉस' गाजवेल, असा विश्वास त्याच्या चाहत्यांना आहे.
दिगंबर नाईक हा मराठीतील एक गुणी अभिनेता आहे. त्यानं नामदार 'मुख्यमंत्री गणप्या गावडे', 'शिनमा' असे अनेक चित्रपट गाजवलेत.
दिगंबर नाईक याची मालवणी भाषेवर चांगली पकड आहे. त्याच्या वागण्या, बोलण्यात कोकणी माणसाचे प्रतिबिंब दिसते. कोकणी लहेजातील त्याचे डायलॉग ऐकत राहावेसे वाटतात. बिग बॉसच्या घरात त्यानं नुकतंच एक मालवणी गाणं गायलं. त्या गाण्याचा घरातील सर्व स्पर्धकांनी आनंद घेतला.
दिगंबरने सिनेमा व नाटकांत ग्रामीण भागातील तरुण, कोकणी माणूस अशा अनेक भूमिका साकारल्या आहेत. त्याच्या व्यक्तिरेखेतून कोकणी बाणा डोकावत असल्यानं कोकणी व मराठी प्रेक्षकांना आकर्षित करण्यात सहज यशस्वी होतो.
दिगबर हा बॉलिवूड अभिनेत्री दीपिका पादुकोन हिचा 'जबरा फॅन' आहे. सध्या तो शिवसेनेच्या चित्रपट सेनेच्या सरचिटणीसपदी कार्यरत आहे.